Batumelebi | პაციენტი #10 გამოჯანმრთელდა, 26-ე დღეს დავტოვე კლინიკა – ნიკოლოზ გამყრელიძე პაციენტი #10 გამოჯანმრთელდა, 26-ე დღეს დავტოვე კლინიკა – ნიკოლოზ გამყრელიძე – Batumelebi

პაციენტი #10 გამოჯანმრთელდა, 26-ე დღეს დავტოვე კლინიკა – ნიკოლოზ გამყრელიძე

ნიკოლოზ გამყრელიძე, სამედიცინო კორპორაცია „ევექსის“ მმართველი, „საქართველოს ჯანდაცვის ჯგუფის“ (GHG) დირექტორი:
________________________________________

„პაციენტი #10-ც გამოჯანმრთელდა და, შესაბამისად, 26-ე დღეს დავტოვე კლინიკა და გადავედი თვითიზოლაციაში.

არ შემიძლია ქედი არ მოვიხარო და, როგორც რიგითმა მოქალაქემ, უდიდესი მადლიერება არ გამოვხატო სრულად სამედიცინო პერსონალის წინაშე, ვინც გადაჭარბების გარეშე შეიძლება ითქვას, რომ ამ ომში იბრძვის წინა ხაზზე ჩვენი, ყველას ჯანმრთელობისთვის. თამამად შემიძლია ვთქვა, რომ 26 დღის განმავლობაში არც ერთხელ არ მიგრძვნია მათგან არც დაღლა, არც შიში, მხოლოდ სითბო, მხარდაჭერა და ძალიან დიდი შემართება იყო სულ. აქამდეც ჩემი პატივისცემა მათ მიმართ ისედაც ძალიან დიდი იყო, მაგრამ ეხლა კიდევ სხვანაირად დავინახე, როგორც პაციენტმა.

მადლობა თქვენ, ნამდვილად საამაყო ხართ და გამძლეობას გისურვებთ!

ჩვენ კი, როგორც მოქალაქეებმა ჩვენი ვალდებულება აუცილებლად უნდა შევასრულოთ, ვალდებულება კი არის, რომ გავუფრთხილდეთ ერთმანეთს, რომ გამოუსწორებელი ზიანი არ მივაყენოთ ჩვენ ირგვლივ მყოფებს, დავრჩეთ აუცილებლად სახლში. მხოლოდ ამ გზით დავამარცხებთ ყველა ერთად ამ გამოწვევას“…

____

წყარო: ნიკოლოზ გამყრელიძის ფეისბუქგვერდი

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.