პირველი აპრილის დილის მონაცემებით, საქართველოში კორონავირუსის დადასტურებული შემთხვევაა – 115, მათ შორის გამოჯანმრთელებულია – 22, კარანტინის რეჟიმშია – 5106 და სტაციონარში მეთვალყურეობის ქვეშაა 294 პირი.
ბათუმის ინფექციურ საავადმყოფოში გუშინ, 31 მარტს, აღებული ყველა პასუხის ანალიზი უარყოფითია, 20 პირიდან არც ერთ პირს არ დაუდასტურდა COVID-19.
გუშინ, 31 მარტს, ბათუმის ინფეციურ საავადმყოფოს, რომელიც ახლა „ცხელების ცენტრია“, 23-მა ადამიანმა მიმართა რესპირატორული დაავადებების სიმპტომებით, გაკეთდა 20 ანალიზი.
დღეს, ბოლო მონაცემებით [11 სთ], ინფექციურ საავადმყოფოში კიდევ 5 პაციენტის ანალიზის პასუხს ელოდებიან, თუმცა შესაძლოა ეს ციფრი დღის განმავლობაში ისევ გაიზარდოს.
ჯამში, ბათუმში, 8 პაციენტს მკურნალობენ კორონავირუსის დადასტურებული დიაგნოზით.
