პანდემიასთან დაკავშირებული კრიზისის დასაძლევად საფრანგეთის პრეზიდენტი, ემანუელ მაკრონი, ბიზნესს შეღავათებს სთავაზობს. კერძოდ, მან განაცხადა, რომ ბიზნესს დროებით შეუჩერებს იჯარისა და კრედიტის გადასახადებს.
ორშაბათ საღამოს მაკრონმა განაცხადა, რომ საფრანგეთის სახელმწიფო ყველაფერს გააკეთებს, ფრანგული ბიზნესკომპანიები პანდემიის პირობებში გაკოტრებისგან რომ დაიცვას.
მაკრონის თქმით, მცირე ბიზნესს სახელმწიფო შეუჩერებს არამხოლოდ იჯარის, არამედ შუქის, გაზისა და წყლის კომუნალურ გადასახადებსაც.
პრეზიდენტმა პირობა მისცა ყველა მასშტაბის ფრანგულ ბიზნესკომპანიებს, რომ სახელმწიფო იქნება გარანტი და შუამავალი ბანკებთან მათი კრედიტების შესაჩერებლადაც, რაც ჯამში 300 მილიარდ ევროს მოიცავს.
______________
ფოტო: brownsvilleherald.com
