სასტუმრო „რადისონი“ ბათუმში მუშაობას დროებით აჩერებს. სასტუმროს მისაღებში გვითხრეს, რომ ჯავშნებს უკვე რამდენიმე დღეა აღარ იღებენ, ხოლო როდის შეაჩერებს სასტუმრო მუშაობას, გადაწყვეტილება ჯერ მიღებული არ არის.
„ვაჩერებთ მუშაობას, ზუსტად რომელ რიცხვში, ეს გადაწყვეტილება მიღებული არ არის, ჯავშნებს უკვე აღარ ვიღებთ,“ – აღნიშნეს „რადისონის“ მისაღებში.
„ბათუმელების“ ინფორმაციით, „რადისონი“ 23 მარტიდან აჩერებს მუშაობას.
„ბათუმელები“ სხვა სასტუმროებსაც დაუკავშირდა – „შერატონსა“ და „ეუფორიაში“ ადასტურებენ, რომ ჯავშნების რაოდენობა მკვეთრად შემცირდა, თუმცა მუშაობის შეჩერებაზე ჯერ გადაწყვეტილება არ მიუღიათ.
„შესაძლოა, ესეც დადგეს დღის წესრიგში“, – გვითხრეს სასტუმრო „ეუფორიაში“.
აჭარის ტურიზმის დეპარტამენტის ინფორმაციით, ამ ეტაპზე არ არის მათთვის ცნობილი, რომელიმე სასტუმროს მუშაობის შეჩერების შესახებ.
ამ თემაზე:
ჯავშნები უქმდება – უფასო შვებულებები სასტუმროებში კორონავირუსის გამო
