Batumelebi | ბათუმში მიკროავტობუსები აღარ მოძრაობენ ბათუმში მიკროავტობუსები აღარ მოძრაობენ – Batumelebi
RU | GE  

ბათუმში მიკროავტობუსები აღარ მოძრაობენ

ბათუმში მგზავრებს დღეიდან, 18 მარტიდან, სამარშრუტო მიკროავტობუსები აღარ ემსახურება. ქალაქში მხოლოდ მუნიციპალური ავტობუსები მოძრაობენ.

ბათუმის მუნიციპალურ ავტობუსებში დღეიდან ასასვლელი კარები აღარ გაიღება, მძღოლის ადგილიდან დაახლოებით 2 მეტრი მანძილით კი წითელი ლენტებია გაბმული.

N4 ავტობუსი, ბათუმი / 18.03.2020

„ბათუმის ავტოტრანსპორტში“ გვითხრეს, რომ ასეთი გადაწყვეტილება მძღოლების მეტი უსაფრთხოების მიზნით მიიღეს.

ბათუმში ყოველდღიურად სხვადასხვა ხაზზე 115 ავტობუსი მუშაობს. მუნიციპალური ტრანსპორტი დილის 7 საათიდან 10:30 წუთამდე მოძრაობენ.

N11 ავტობუსი / ბათუმი / 18.03.2020

ბათუმის ავტოსადგური დღეიდან, 18 მარტიდან, თავის ტერიტორიაზე აღარ მიიღებს საქალაქთაშორისო მიკროავტობუსებს. მთელი ქვეყნის მასშტაბით საქალაქთაშორისო მიკროავტობუსების მოძრაობის შეჩერება-შეზღუდვაზე 17 მარტს მთავრობამ განაცხადა.

მიკროავტობუსები აღარ მოძრაობენ აჭარის მუნიციპალიტეტების მიმართულებითაც.

გადაწყვეტილება ახალი კორონავირუსის გავრცელების პრევენციის მიზნით მიიღეს.

18 მარტის დილის მონაცემებით საქართველოში კორონავირუსის დადასტურებული შემთხვევების რაოდენობაა – 38, კარანტინის რეჟიმშია – 1130, სტაციონარში მეთვალყურეობის ქვეშ რჩება – 81 პაციენტი. აქედან ერთი პაციენტი, რომელიც COVID-19-სგან განიკურნა, ინფექციური საავადმყოფოდან 16 მარტს გაწერეს.

ამ თემაზე:

ბათუმის ავტოსადგური 18 მარტიდან მიკროავტობუსებს აღარ მიიღებს

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com