„პაციენტის მდგომარეობა დამაკმაყოფილებელია, მას ამჟამად ცხელება არ აქვს, ასევე, ჩივილები პრაქტიკულად არ აქვს და ყველა სხვა მაჩვენებელი ნორმის ფარგლებს არ ცდება,“ – განაცხადა ბათუმის ინფექციური ცენტრის კლინიკურმა მენეჯერმა, ექიმმა ინფექციონისტმა დავით მურვანიძემ დღეს, 16 მარტს, ჟურნალისტებთან.
გავრცელებული ინფორმაციით, პაციენტი ახალგაზრდა ქალია. იგი კარანტინის ზონიდან გადაიყვანეს ბათუმის ინფექციურ საავადმყოფოში ტემპერატურის მომატების გამო.
ბათუმის ინფექციურ საავადმყოფოში დღეს მეორე პაციენტს იკვლევენ კორონავირუსზე. იგი ახალგაზრდა მამაკაცია, მას რისკჯგუფს მიკუთვნებულ ქვეყანაში მოგზაურობის ისტორია აქვს, იმყოფებოდა კარანტინში და საავადმყოფოში ცხელებით – 37.5 ტემპერატურით შეიყვანეს. მისი ანალიზის პასუხი დღეს გახდება ცნობილი.
__________
ფოტოზე: დავით მურვანიძე
