ბათუმში თურქეთის საკონსულოს ოფიციალური ინფორმაციით, თურქეთისა და საქართველოს მთავრობებს შორის შეთანხმების საფუძველზე, ორ ქვეყანას შორის არსებული სამი სასაზღვრო-გამტარი პუნქტიდან ერთ-ერთზე – სარფის გამტარ პუნქტზე, ქვეითთა მოძრაობა ორმხრივად იზღუდება, კორონავირუსის ( Covid-19) გავრცელების საპრევენციო ღონისძიებების ფარგლებში.
საკონსულოს ინფორმაციით, ქვეითებისთვის მოძრაობის შეზღუდვა საზღვარზე, 2020 წლის 15 მარტიდან, თურქეთის დროით 17.00, საქართველოს დროით 18.00 საათზე შევა ძალაში. შეზღუდვა არ შეეხება სატვირთო გადაზიდვებს.
„სხვა სახმელეთო გამტარ პუნქტებზე – თურქგოზუ/ვალე, აქთაშ/კარწახი, ქვეითთა მოძრაობა ჩვეულ რეჟიმში გაგრძელდება“-ნათქვამია საკონსულოს განცხადებაში. აღნიშნული შეზღუდვა თურქეთისა და საქართველოს მოქალაქეებთან ერთად მესამე ქვეყნის მოქალაქეებსაც ანალოგიურად შეეხება“, – ნათქვამია საკონსულოს მიერ გავრცელებულ განცხადებაში.
