აჭარის ჯანდაცვის სამინისტროს ცნობით, ქალს, რომელიც დღეს გადაიყვანეს ბათუმის ინფექციურ საავადმყოფოში, კორონავირუსი არ დაუდასტურდა.
40 წლამდე ასაკის ქალი საქართველოს მოქალაქეა, იგი იტალიიდან 2 მარტს დაბრუნდა და აქამდე თვითიზოლაციაში იმყოფებოდა ბათუმში. იგი ინფექციურ საავადმყოფოში დღეს, 11 მარტს გადაიყვანეს 37,3 ტემპერატურით.
ამ დრომდე საქართველოში კორონავირუსი 23 პაციენტს დაუდასტურდა.