Batumelebi | ნათია სონღულაშვილი აჭარის პროკურატურაში ზაზა მეტონიძემ შეცვალა ნათია სონღულაშვილი აჭარის პროკურატურაში ზაზა მეტონიძემ შეცვალა – Batumelebi
RU | GE  

ნათია სონღულაშვილი აჭარის პროკურატურაში ზაზა მეტონიძემ შეცვალა

დღეიდან [11 მარტი] აჭარის არ პროკურორი ნათია სონღულაშვილი ამ თანამდებობაზე აღარ მუშაობს. მის ნაცვლად ზაზა მეტონიძე დანიშნეს, რომელიც ბოლო დრომდე სამცხე-ჯავახეთის საოლქო პროკურორი იყო.

სამცხე-ჯავახეთში ზაზა მეტონიძე 2019 წლის 14 მარტიდან მუშაობდა.

ჯერჯერობით უცნობია, სად აგრძელებს სამსახურებრივ საქმიანობას ნათია სონღულაშვილი.

საქართველოს მთავარმა პროკურატურამ სხვა ცვლილებებიც განახორციელა:

  • თბილისის პროკურორად ლევან გეგეჭკორი დანიშნეს;
  • სამცხე-ჯავახეთის საოლქო პროკურორად მალხაზ გეწაძე,
  • ქვემო ქართლის საოლქო პროკურორად შოთა კვაჭანტირაძე.

ნათია სონღულაშვილი აჭარის პროკურორად 2018 წლის თებერვლიდან მუშაობდა.

ზაზა მეტონიძე აქამდეც მუშაობდა ბათუმში – 2007 წელს ბათუმის რაიონული პროკურატურის შტატგარეშე თანამშრომელი იყო, 2008 წელს მუშაობდა ბათუმის რაიონულ პროკურატურაში სტაჟიორად; 2009-2013 წლებში ბათუმის რაიონულ პროკურორად დანიშნეს. 2013-2014 წლებში მუშაობდა ბათუმის რაიონული პროკურორის მოადგილედ, ხოლო 2014 წლიდან 2019 წლამდე ეკავა შიდა ქართლისა და მცხეთა-მთიანეთის საოლქო პროკურორის მოადგილის თანამდებობა.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან