აჭარის პროკურორის, გიორგი ცხოვრებაძის ხელფასი გაიზარდა და იანვრიდან 8 190 ლარის ნაცვლად 9 000 ლარი იქნება.
„საქართველოს პროკურატურის თანამშრომელთა თანამდებობრივი სარგოს ოდენობის განსაზღვრის შესახებ“ ბრძანებას გენერალურმა პროკურორმა გიორგი გვარაკიძემ ხელი 2026 წლის 15 იანვარს მოაწერა.
ამ ბრძანების მიხედვით, 2026 წლის იანვრიდან აჭარის პროკურატურის თანამშრომელთა ხელფასები შემდეგნაირად განისაზღვრა:
აჭარის ავტონომიური რესპუბლიკის პროკურორი – 9 000 ლარი [იყო 8 190 ლარი]
აჭარის ავტონომიური რესპუბლიკის პროკურორის მოადგილე – 7 400 ლარი [იყო 6 730 ლარი]
სამმართველოს უფროსი – 6 330 ლარი [იყო 5 760 ლარი]
სამმართველოს უფროსის მოადგილე – 5 800 ლარი [იყო 5 280 ლარი]
უფროსი პროკურორი – 4 750 ლარი
პროკურორი – 4 640 ლარი [იყო 4 320 ლარი]
უფროსი გამომძიებელი – 4 710 ლარი [იყო 4 290 ლარი]
მრჩეველი – მოწმისა და დაზარალებულის კოორდინატორი – საჯარო დაწესებულების პირველი კატეგორიის უფროსი სპეციალისტი – 2 720 ლარი [იყო 2 482 ლარი]
მრჩეველი – საჯარო დაწესებულების პირველი კატეგორიის უფროსი სპეციალისტი – 2 720 ლარი [იყო 2 482 ლარი]
საქმისწარმოების განყოფილების უფროსი – საჯარო დაწესებულების მეორე კატეგორიის უფროსი სპეციალისტი – 2 080 ლარი [იყო 1 898 ლარი]
მრჩეველი – საჯარო დაწესებულების მესამე კატეგორიის უფროსი სპეციალისტი – 1 920 ლარი [იყო 1 752 ლარი]
მრჩეველი – საჯარო დაწესებულების მესამე კატეგორიის უფროსი სპეციალისტი – 2 240 ლარი [იყო 2 044 ლარი]
სტაჟიორი – 1 390 ლარი [იყო 1 270 ლარი]
გიორგი ცხოვრებაძე აჭარის პროკურორად 2025 წლის ივლისში დანიშნეს.
თავად საქართველოს გენერალური პროკურორის ხელფასი 960 ლარით გაიზარდა და იანვრიდან 10 610 ლარი იქნება. გენპროკურორ გიორგი გვარაკიძის ხელფასი ამ დრომდე 9 650 ლარი იყო. ხელფასები გაეზარდათ პროკურატურის სხვა თანამშრომლებსაც.
პროკურატურაში ხელფასთან [ანუ თანამდებობრივ სარგოსთან] ერთად ყოველთვიურად „წელთა ნამსახურობის დანამატს“ და ასევე სპეციალური წოდებისთვის დადგენილ სარგოსაც მიიღებენ.
ამ თემაზე ვრცლად:
