Batumelebi | აფრიკაში გატაცებული ქართველი მეზღვაურები დღეს ბათუმში ბრუნდებიან აფრიკაში გატაცებული ქართველი მეზღვაურები დღეს ბათუმში ბრუნდებიან – Batumelebi

აფრიკაში გატაცებული ქართველი მეზღვაურები დღეს ბათუმში ბრუნდებიან

20 თებერვალს, გვინეის ყურეში ნავთობტანკერ  ALPINE PENELOPE-დან გატაცებული 4 ქართველი მეზღვაური საქართველოში დღეს, 10 მარტს ბრუნდება. მეზღვაურები, რომლებმაც ტყვეობაში 15 დღე გაატარეს, ტყვეობიდან 6 მარტს გამოიხსნეს.

საზღვაო ტრანსპორტის სააგენტოს დირექტორი თამარ იოსელიანის თქმით, გემთმფლობელმა, Oceangold Tankers Inc-მა ყველა შესაბამისი ნაბჯი გადადგა მეზღვაურების ტყვეობიდან გამოსახსნელად და გამოავლინა კრიზის მართვის მაღალი უნარები, რამაც მნიშვნელოვნად დააჩქარა გათავისუფლების პროცესი. კომპანიის წარმომადგენლები თავად ჩამოიყვანენ მეზღვაურებს საქართველოში.

საზღვაო ტრანსპორტის სააგენტოს ცნობით, მეზღვაურებმა ტყვეობიდან გათავისუფლების შემდეგ სრული სამედიცინო შემოწმება და სხვა საჭირო პროცედურები გაიარეს.

ბათუმის აეროპორტში მეკობრეთა ტყვეობიდან გამოხსნილ ქართველ მეზღვაურებს საზღვაო ტრანსპორტის სააგენტოს დირექტორი თამარ იოსელიანი და აჭარის  ჯანდაცვის მინისტრი ზაალ მიქელაძე დახვდებიან.

ამავე თემაზე:

გატაცებული ქართველი მეზღვაურები გაათავისუფლეს

ნეტგაზეთის მასალების სხვა გამოცემებში გადაბეჭდვის წესი
ავტორი