მთავარი,სიახლეები

რატომ არ შეუშვეს მოქალაქეები უმაღლესი საბჭოს საგაზაფხულო სესიის გახსნაზე?

03.03.2020 • 2143
რატომ არ შეუშვეს მოქალაქეები უმაღლესი საბჭოს საგაზაფხულო სესიის გახსნაზე?

უმაღლესი საბჭოს ახალ შენობაში, თავდადებულის ქუჩაზე, დღეს, 3 მარტს, მოქალაქეები არ შეუშვეს. საგაზაფხულო სესიის გახსნა ახალ დარბაზში უმაღლესმა საბჭომ უქმე დღეს გადაწყვიტა. სესიაზე ჯანდაცვის მინისტრს – ზაალ მიქელაძეს უსმენენ.

„ჩვენ მოვედით იმის სათქმელად, რომ მოგვეთხოვა ისევ პროპორციული საარჩევნო სისტემა, დაპირება, რომელსაც არ ასრულებენ… არ შეგვიშვეს, გვითხრეს, რომ საშვთა ბიურო არ მუშაობს,“ – ამბობს ხათუნა ბერიძე, იგი ორგანიზაცია „ალტერნატივას“ ერთ-ერთი ლიდერია. ამ წუთებში „ალტერნატივას“ წევრები უმაღლესი საბჭოს შენობასთან საპროტესტო აქციას მართავენ.

„საშვთა ბიურო არ მუშაობდა“ – იგივე გვითხრეს ჩვენც უმაღლესი საბჭოს პრესცენტრში. რატომ არ მუშაობდა ბიურო, როცა სხდომა ტარდება, ან როგორ დაუშვეს სხდომაზე მინისტრი, ან სხვა პირები, ვისაც ასევე სჭირდებოდა საშვი? – უმაღლესი საბჭოს პრესცენტრში გვითხრეს, რომ კითხვებს აპარატის უფროსი ზურაბ ჭურკვეიძე უპასუხებს.

ზურაბ ჭურკვეიძემ მოგვწერა, რომ სხდომის დასრულების შემდეგ გვიპასუხებს.

გადაბეჭდვის წესი


ასევე: