ბათუმის მერიის ინფორმაციით, დღეს, 3 მარტს, მერიამ საქალაქო მიკროავტობუსების სადეზინფექციო სამუშაოები დაიწყო. დეზინფექცია 600 მიკროავტობუსს ჩაუტარდება.
„კორონავირუსის პრევენციის მიზნით, საქალაქო ტრანსპორტს სპეციალური ხსნარით დღეში ორჯერ დაამუშავებენ. სადეზინფექციო ღონისძიებები კი კვირაში ორჯერ ჩატარდება“.
ბათუმის მერიის საქალაქო ტრანსპორტისა და სატრანსპორტო ინფრასტრუქტურის სამსახურის ინფორმაციით, პროცედურა ერთჯერადი არ იქნება და სამუშაოები რეგულარულად ჩატარდება.
საქართველოში კორონავირუსის 3 შემთხვევაა დადასტურებული.
