ბათუმში კაცის დაჭრაში ბრალდებული დააკავეს

ბათუმში პოლიციამ დააკავა კაცი, რომელმაც, სავარაუდოდ, დღეს, 21 თებერვალს, შუახნის მამაკაცს ყელის არეში მიაყენა ჭრილობა – ინფორმაცია „ბათუმელებს“ შს სამინისტროში დაუდასტურეს.

შსს-ს ცნობით, გამოძიება სისხლის სამართლის კოდექსის 117-ე მუხლით მიმდინარეობს – ჯანმრთელობის განზრახ მძიმე დაზიანება.

„ბათუმელების“ ინფორმაციით, შემთხვევა მშენებარე ობიექტზე მოხდა და მას წინ შელაპარაკება უძღოდა.

სასწრაფო დახმარების ჯგუფმა დაჭრილი კლინიკაში გადაიყვანა. ექიმების განცხადებით, მისი მდგომარეობა საშუალოდ მძიმეა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com