„კარგად მესმის, რომ საქმე აქ არ ეხება ფულს, მაგრამ მინდა ჩემი მადლიერება გამოვხატო ვირუსის საწინააღმდეგო საშუალების გამომგონებლის მიმართ. სულერთია ვინ იქნება ის, რომელიმე ერთი ექიმი, თუ მთელი ინსტიტუტი, მე მას 1 მილიონ იუანს გადავუხდი. ადამიანები ტკივილითა და ტანჯვით არ უნდა იხოცებოდნენ, სიცოცხლით უნდა ტკბებოდნენ,“ – წერს 65 წლის მსახიობი, ჯეკი ჩანი სოციალურ ქსელ Weibo-ზე.
ჯეკი ჩანი ასევე გამოჩნდა კორონავირუსის მსხვერპლებისადმი მიძღვნილ ჰიმნში, რომელსაც Believe Love Will Triumph-ი ჰქვია.
ვირუსის გავრცელების ეპიცენტრში ეპიდემიამ ბოლო მონაცემებით 1770 -ზე მეტი ადამიანი იმსხვერპლა. ახალი ტიპის კორონავირუსი 30 ქვეყანაშია გავრცელებული.