Batumelebi | ბათუმის მეჩეთში იატაკს ცვლიან ბათუმის მეჩეთში იატაკს ცვლიან – Batumelebi

ბათუმის მეჩეთში იატაკს ცვლიან

ბათუმის ცენტრალურ მეჩეთში იატაკს ცვლიან. მეჩეთს კულტურული მემკვიდრეობის ძეგლის სტატუსი აქვს. როგორც აჭარის კულტურული მემკვიდრეობის დაცვის სააგენტოში „ბათუმელებს“ უთხრეს, იატაკის შეცვლაზე ნებართვა გაცემულია.

„ჩვენ მეჩეთის სრული რეაბილიტაციის პროექტი შესყიდული გვქონდა 2015 წელს, თუმცა გარკვეული მიზეზების გამო ვერ განხორციელდა, თუმცა ამჟამად იცვლება იატაკი, რადგან დაზიანებული იყო და სამუშაოები ჩვენი ზედამხედველობის ქვეშ მიმდინარეობს,“-ამბობს სააგენტოს ხელმძღვანელი ზაურ ახვლედიანი.

მისი თქმით, მეჩეთში ხის იატაკი მარმარილოთი შეიცვლება.

როგორც სრულიად საქართველოს მუფთი ადამ შანთაძე „ბათუმელებთან“ ამბობს, მეჩეთში იატაკს მორწმუნეთა შემოწირულობებით ცვლიან და სახელმწიფო ბიუჯეტიდან თანხა გამოყოფილი არ არის. მუფთი არ აკონკრეტებს, რამდენი დაიხარჯება აღნიშნული სამუშაოებისთვის.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com