აჭარის საზოგადოებრივი ჯანდაცვის ცენტრის მონაცემებით, გრიპისა და გრიპისმაგვარი დაავადებების შემთხვევების რაოდენობამ იკლო, თუმცა გრიპის სეზონის დასრულებამდე უმჯობესია მოსახლეობამ კვლავ იხელმძღვანელოს რესპირაციული ინფექციების თავიდან ასაცილებლად არსებული მარტივი რეკომენდაციებით.
გრიპის სეზონი მიმდინარე წლის მაისის თვეში დასრულდება:
“ამ დროისთვის შემთხვევათა რაოდენობა კლებულობს, სხვა წლების გრაფიკებსაც რომ დააკვირდეთ, იქაც შეინიშნება ეს ტენდენცია, თორემ გრიპის სეზონი ოფიციალურად 2020 წლის მე-20 კვირას მთავრდება. გრიპის სეზონის მახასიათებელია ამ ეტაპზე შემთხვევათა რაოდენობის კლება. ყველა ვირუსს თავისი ბუნება აქვს, ამ გრიპის ვირუსს ასეთი მახასიათებელი აქვს” – გვითხრეს აჭარის საზოგადოებრივი ჯანდაცვის ცენტრში.
აჭარის საზოგადოებრივი ჯანდაცვის ცენტრის მონაცემებით, მიმდინარე გრიპის სეზონის 52-ე კვირიდან (2019 წლიდან) დაიწყო შემთხვევათა მატება, 2020 წლის პირველ კვირას დაფიქსირდა სეზონის ყველაზე მაღალი მაჩვენებელი, მე-2 კვირიდან დაიწყო შემთხვევათა კლება. კლების ტენდენცია შენარჩუნდა მომდევნო პერიოდის განმავლობაში და მე-7 კვირისთვის (2020 წლის) მიუახლოვდა სეზონის დასაწყისის მონაცემებს.
სეზონური გრიპის თავიდან ასარიდებლად რეკომენდებულია: ხელების ხშირი დაბანა, სანიტარულ-ჰიგიენური წესების დაცვა, ოთახების სველი წესით დალაგება, ვენტილაცია, საეჭვო ნიშნების გამოვლენისთანავე დროულად ვიზიტი ექიმთან, ქრონიკულად მოავადეთა და რისკჯგუფებისათვის გრიპის წინააღმდეგ ვაქცინაციის დროულად ჩატარება.
ვრცლად:
