Batumelebi | ასლან ლორთქიფანიძე უმაღლესი საბჭოს თავმჯდომარის კაბინეტის უფროსად დანიშნეს ასლან ლორთქიფანიძე უმაღლესი საბჭოს თავმჯდომარის კაბინეტის უფროსად დანიშნეს – Batumelebi
RU | GE  

ასლან ლორთქიფანიძე უმაღლესი საბჭოს თავმჯდომარის კაბინეტის უფროსად დანიშნეს

ასლან ლორთქიფანიძე აჭარის უმაღლესი საბჭოს თავმჯდომარემ დავით გაბაიძემ თავისი კაბინეტის უფროსად დანიშნა, ეს ინფორმაცია უმაღლეს საბჭოში დაადასტურეს. ამ დრომდე ასლან ლორთქიფანიძე აჭარის სავაჭრო-სამრეწველო პალატაში მუშაობდა. „ბათუმელების“ ინფორმაციით, შეთავაზება უმაღლეს საბჭოში გადასვლაზე მან პირადად დავით გაბაიძისგან მიიღო.

ასლან ლორთქიფანიძემ „უსაფუძვლო ბრალდება“ უწოდა არასამთავრობო და მედიაორგანიზაციების შეფასებას: „ჭიქაში ქარიშხალი გამოწვეულია იმით, რომ ერთმა კონკრეტულმა არასამთავრობო ორგანიზაციამ დაკარგა ტელევიზიის მართვის ბერკეტები“.

ასლან ლორთქიფანიძე ცოტა ხნის წინ იყო იმ კომისიის წევრი, რომელმაც აჭარის ტელევიზიისა და რადიოს მრჩეველთა საბჭოს წევრობის კანდიდატები შეარჩია. საზოგადოებაში ამ პროცესის მიმართ არსებობდა დიდი უნდობლობა. პროცესის შესახებ საიამ განაცხადა, რომ კანდიდატები კომისიამ კანონდარღვევით შეარჩია.

ნეტგაზეთის მასალების სხვა გამოცემებში გადაბეჭდვის წესი
ავტორი