3 201 266 ლარია გამოყოფილი ხელვაჩაურის სოფლების: მახოს, სიმონეთის, ევგენიძეების, მაღლაკონის და შუახევის მუნიციპალიტეტის სოფელ ხიჭაურის გაზიფიცირებისთვის. შესაბამისი სამუშაოების შესყიდვაზე საქართველოს გაზის ტრანსპორტირების კომპანიას ორი ტენდერი აქვს გამოცხადებული.
ხელვაჩაურის მუნიციპალიტეტის სოფლების: მახოსa და სიმონეთის გაზიფიცირების სამუშაოების შესყიდვაზე ტენდერი 2 700 688 ლარითაა გამოცხადებული. წინადადებების მიღება კი 2020 წლის 23 თებერვალს დაიწყება და 28 თებერვალს დასრულდება.
სამუშაოების შესრულება/მიწოდების ვადა არ უნდა აღემატებოდეს ხელშეკრულების გაფორმებიდან 180 კალენდარულ დღეს.
500 578 ლარითაა გამოცხადებული ტენდერი ხელვაჩაურის სოფლების: ევგენიძეების, მაღლაკონის და ასევე შუახევის სოფელ ხიჭაურის გაზიფიცირების სამუშაოების შესყიდვაზე. ამ ტენდერში წინადადებების მიღება 2020 წლის 28 თებერვალს დაიწყება და 4 მარტს დასრულდება.
ამ სოფლებში გაზიფიცირების სამუშაოების შესრულება/მიწოდების ვადა კი 60 კალენდარულ თვეს არ უნდა აღემატებოდეს.
ორივე ტენდერის პირობის თანახმად, სამუშაოების შესრულების ვადაში „ასევე, წარმოდგენილი უნდა იქნას შესრულებული სამუშაოების პროექტთან შესაბამისობის შესახებ სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ გაცემული საინჟინრო-ტექნიკური ექსპერტიზის დადებითი დასკვნა (დასკვნა უნდა მოიცავდეს როგორც ტექნიკურ, ასევე სახარჯთაღრიცხვო ნაწილს).
—
საქართველოს გაზის ტრანსპორტირების კომპანია არის სახელმწიფო კომპანია, რომელსაც საქართველოს მთავრობის განკარგულებით, დაევალა ქვეყნის მასშტაბით სოფლების გაზიფიცირება [კვლევა, პროექტირება, მშენებლობა] 2019-2021 წლებში.
ამ გეგმით, გაზის ტრანსპორტირების კომპანიამ, ქვეყნის მასშტაბით, უნდა უზრუნველყოს 223 დასახლებულ პუნქტში არსებული 58 894 აბონენტის ბუნებრივი გაზით მომარაგებისთვის საპროექტო და სამშენებლო სამუშაოები. პროექტის სავარაუდო ჯამური ღირებულება 209 მილიონი ლარია.
აჭარის მუნიციპალიტეტის დასახლებული პუნქტები და გაზიფიცირების კუთხით შესასრულებელი სამუშაოები ნახეთ ბმულზე:
