შაბათ-კვირას ბათუმში მოთოვს, მთაში მოსალოდნელია ზვავსაშიშროება

გარემოს ეროვნული სააგენტოს ინფორმაციით, დასავლეთ საქართველოში 8-10 თებერვალს ჰაერის ტემპერატურა მნიშვნელოვნად დაიკლებს, მოსალოდნელია ნალექი, უმეტესად თოვლის სახით.

დღეს, 7 თებერვალს, მთელი დღის განმავლობაში იწვიმებს. ხვალ, შაბათს, დილიდან თოვლ-ჭყაპია მოსალოდნელი, ღამით დაიწყება თოვა და ტემპერატურა დაიკლებს, კვირას და ორშაბათს  კი მოსალოდნელია თოვა.

ზღვაზე იქნება 4-5-ბალიანი შტორმი.

გარემოს ეროვნული სააგენტოს ცნობით, მოსალოდნელმა ძლიერმა ნალექმა შესაძლებელია მთიან ზონებში თოვლის ზვავის ფორმირება და მეწყრული პროცესების გააქტიურება გამოიწვიოს.

იქროლებს დასავლეთის მიმართულების ქარი 10-15 მეტრი წამში, ზოგან ძლიერი – 20-25 მეტრი წამში.

ჰაერის ტემპერატურა სანაპირო რაიონებში იქნება:

  • დღისით: 3-8 გრადუსი
  • ღამით: 0-5 გრადუსი

მთაში მოსალოდნელია:

  • დღისით: 0-5 გრადუსი ყინვა
  • ღამით: -2-7 გრადუსი ყინვა

______________

ფოტო: „ბათუმელების“ არქივიდან

ამავე თემაზე: 

26 იანვრის დიდთოვლობა – ფოტორეპორტაჟი ბათუმის უახლესი წარსულიდან

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.