შარლოტა ბრონტეს 14 წლის ასაკში დაწერილი მინიატურული წიგნი დაბრუნდა მის მშობლიურ სახლში, იორკშირში, სადაც ამჟამად დები ბრონტეების მუზეუმია.
წიგნი დაახლოებით ასანთის კოლოფის ზომისაა და ჰქვია „ახალგაზრდა კაცების ჟურნალი“. მინიატურული წიგნი 1830 წლის 19 აგვისტოთი თარიღდება და შედგება შარლოტა ბრონტეს ხელით დაწერილი მოთხრობებისგან. შარლოტამ ასეთი 6 მინიატურული წიგნი დაწერა, მათგან ხუთი მუზეუმშია, მეექვსეს ბედი კი უცნობია.
ლიტერატურათმცოდნეების აზრით, 14 წლის შარლოტა ბრონტეს დაწერილი „ახალგაზრდა კაცების ჟურნალი“ ნათელს ჰფენს, რა თემები აინტერესებდა ახალგაზრდა მწერალს.
მინიატურული წიგნი აუქციონზე შეიძინა დები ბრონტეების საზოგადოებამ დაახლოებით 670 ათას დოლარად, საზოგადოების დახმარებით.
დები ბრონტეების მუზეუმი
შარლოტა ბრონტე 1816 წელს დაიბადა იორკშირში, მღვდლის ოჯახში. მისი ცნობილი რომანია „ჯეინ ეარი“, რომელიც 1847 წელს გამოსცა კარერ ბელის ფსევდონიმით. წიგნი გამოსვლისთანავე გახდა პოპულარული.
მწერლები იყვნენ შარლოტას დები, ემილი და ენ ბრონტეებიც. ქართულ ენაზე თარგმნილია ემილი ბრონტეს ცნობილი რომანი „ქარიშხლიანი უღელტეხილი“ და ენ ბრონტეს „აგნეს გრეი“.
დები ბრონტეების პორტრეტი, რომელიც ძმამ, ბრენუელმა დახატა დაახლოებით 1935 წელს. მარცხნიდან მარჯვნივ: ენი, ემილი და შარლოტა
_____________
ფოტოზე: შარლოტა ბრონტეს პორტრეტი, მხატვარი: ჯორჯ რიჩმონდი, 1850 წ. წყარო: ვიკიპედია
