შუახევის სოფელ ხიჭაურში, ასევე, ხელვაჩაურის სოფლებში – ევგენიძეებში, მაღლაკონში, მახოსა და სიმონეთში „საქართველოს გაზის ტრანსპორტირების კომპანია“ გაზიფიცირების სამუშაოებს გეგმავს.
გაზიფიცირებისთვის საჭირო სამშენებლო სამუშაოების შესყიდვის სავარაუდო ღირებულებისა და სავარაუდო შესრულების ვადის დადგენის მიზნით, კომპანია ბაზრის კვლევას ახორციელებს. ფასების დადგენის შემდეგ, სამუშაოების შესრულებაზე ტენდერი გამოცხადდება.
ამავე თემაზე:
—
საქართველოს გაზის ტრანსპორტირების კომპანია არის სახელმწიფო შპს, რომელსაც საქართველოს მთავრობის განკარგულებით, დაევალა ქვეყნის მასშტაბით სოფლების გაზიფიცირება [კვლევა, პროექტირება, მშენებლობა] 2019-2021 წლებში.
ამ გეგმით, გაზის ტრანსპორტირების კომპანიამ, ქვეყნის მასშტაბით, უნდა უზრუნველყოს 223 დასახლებულ პუნქტში არსებული 58 894 აბონენტის ბუნებრივი გაზით მომარაგებისთვის საპროექტო და სამშენებლო სამუშაოები. პროექტის სავარაუდო ჯამური ღირებულება 209 მილიონი ლარია.
