ბათუმში ავგიის ნაეკლესიარს [ავგიის ქუჩა N50] კულტურული მემკვიდრეობის უძრავი ძეგლის სტატუსი მიენიჭა. საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის შესაბამისი ბრძანება ძალაში დღეს, 22 იანვარს, შევიდა.
ბრძანების მიხედვით, ავგიის ნაეკლესიარი V საუკუნით თარიღდება.
სააგენტოს გენერალური დირექტორის ამავე ბრძანებით, კულტურული მემკვიდრეობის უძრავი ძეგლის სტატუსი, ავგიის ნაეკლესიართან ერთად, სხვადასხვა მუნიციპალიტეტში მდებარე კიდევ 10 ობიექტს მიენიჭა. მათ შორის, პაოლო იაშვილის სახლ-მუზეუმს საჩხერის მუნიციპალიტეტში [სოფელი არგვეთი].
ავგიის ნაეკლესიარი / ფოტო: კულტურული მემკვიდრეობის დაცვის ეროვნული სააგენტო
