Batumelebi | გია ქარცივაძე უმაღლესმა საბჭომ აჭარის ტელევიზიის მრჩეველთა საბჭოს წევრად დაამტკიცა გია ქარცივაძე უმაღლესმა საბჭომ აჭარის ტელევიზიის მრჩეველთა საბჭოს წევრად დაამტკიცა – Batumelebi

გია ქარცივაძე უმაღლესმა საბჭომ აჭარის ტელევიზიის მრჩეველთა საბჭოს წევრად დაამტკიცა

უმაღლესმა საბჭომ, დღეს, 8 იანვარს, 15 ხმით, გია ქარცივაძე საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს წევრად დაამტკიცა. გია ქარცივაძე მრჩეველთა საბჭოს მეხუთე წევრი იქნება.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს წევრობის მეხუთე კანდიდატად იურისტი გია ქარცივაძე „ნაციონალურმა მოძრაობამ“ დაასახელა. გია ქარცივაძე აჭარის საზოგადოებრივი მაუწყებლის ადამიანური რესურსების მართვის სამსახურის უფროსია.

ყოფილმა ოთხმა კონკურსანტმა, 6 იანვარს, შუამდგომლობით მიმართა ბათუმის საქალაქო სასამართლოს და მრჩევლის არჩევის პროცესის შეჩერება მოითხოვა.

ბათუმის საქალაქო სასამართლოში „ბათუმელებს“ უთხრეს, რომ საკითხი მოსამართლე ჯუმბერ ბეჟანიძემ უნდა განიხილოს, რომელსაც განხილვის სამდღიანი ვადა აქვს. „ეს ვადა 9 იანვარს იწურება. ამ დროისთვის [8 იანვრის 12:00 საათი – ავტ] საკითხზე რაიმე გადაწყვეტილება მიღებული არ არის“ – გვითხრეს სასამართლოში.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com