ბათუმის მერია 2020 წელს 3 958 ცალ სხვადასხვა ზომის დროშას იყიდის. დროშების შესყიდვაზე [მონტაჟითა და დემონტაჟით], მერიის საქალაქო ინფრასტრუქტურისა და კეთილმოწყობის სამმართველოს მიერ გამოცხადებულ ტენდერში წინადადებების მიღება დღეს, 3 იანვარს დასრულდა. სატენდერო თანხა 84 ათას 57 ლარი იყო. მომსახურებას მერიას ზუსტად ამ თანხით სთავაზობს ტენდერში მონაწილე ინდმეწარმე გიორგი ასათიანი.
მიმდინარე ტენდერი შერჩევა-შეფასების ეტაპზეა, თუმცა გიორგი ასათიანი ანალოგიურ ტენდერებს წინა წლებშიც იგებდა. მარტო 2016-2019 წლებში, მასთან, ბათუმის მერიას დროშების შეძენაზე [მონტაჟითა და დემონტაჟით] ხელშეკრულებები ჯამში 341 136 ლარზე აქვს გაფორმებული.
მიმდინარე ტენდერით კი შესყიდვის ობიექტს წარმოადგენს:
[checklist]
- ალმების ტარებით (ზომა 0,9 სმ) დამზადება ატლასის ნაჭრით, ზომა 0,7X0,5 მ-ზე. მოხდება სადღესასწაულო დღეებში [გზაგამყოფებზე] გამოფენა, შემდგომში დემონტაჟი. სულ 3 311 ალამი;
- სტანდარტული სახელმწიფო დროშები შეიკერება ატლასის ნაჭრისაგან ზომით 1,5X1,0 მ-ზე სამაგრი საყურეებით. მოხდება ფლაგშტოკებზე მონტაჟი, ღონისძიებების დამთავრების შემდეგ დემონტაჟი და დასაწყობება. 315 დროშა.
- წრიულების მრგვალი სადგარებისათვის (დროშის ტარის ზომა: 3,4 სმ) არასტანდარტული სახელმწიფო დროშები შეიკერება ატლასის ნაჭრისაგან ზომით (2,0X1,0) მ-ზე. მოხდება შეკერილი დროშების არსებული ლითონის ტარებზე დაყენება და ადგილებზე გამოფენა. მოხდება ღონისძიებების დამთავრების შემდეგ დემონტაჟი და დასაწყობება. 320 დროშა;
- დიდი ზომის სახელმწიფო დროშები შეიკერება ნავმისადგომთან არსებული მაღლივი ფლაგშტოკებისათვის ატლასის ნაჭრისაგან ზომით 9,0X6,0მ-ზე. მოხდება ადგილზე მონტაჟი მთელი წლის განმავლობაში. 12 დროშა;
- ლითონის დეკორატიული კონსტრუქცია (“ხამუტი”) დამზადებული 205 მმ 25 მმ ზომის ზოლოვანათი ლითონის 2 (ორი) ცალი სადგარით. სადგარის სიგრძე 22სმ, დიამეტრი 30მმ, დეკორატიული კონსტრუქციის დიამეტრი 20 სმ, სიგანე 25 მმ, შემდგომი მონტაჟით სპეციალური საანკრე ჭანჭიკებით;
- გაუთვალისწინებელ შემთხვევებში (დღესასწაულები, საზეიმო ღონისძიებები და ა.შ.) მიმწოდებელმა უნდა შეასრულოს ხელშეკრულების ფასის ფარგლებში შემსყიდველის დაკვეთიდან არაუმეტეს 24-48 საათის განმავლობაში ხელშეკრულებით გათვალისწინებული ან/და ანალოგიური სახის დამატებითი სამუშაოები, არაუმეტეს 6 შემთხვევისა.
[/checklist]