ბათუმში საახალწლო ნაძვის ხეს დღეს, 21:00 საათზე აანთებენ


დღეს, 26 დეკემბერს, ბათუმის მთავარ ნაძვის ხეს აანთებენ. საზეიმო ცერემონიალი ბავშვებისთვის 5:00 საათიდან დაიწყება, ნაძვის ხეს კი საღამოს 21:00 საათზე აანთებენ.

ბათუმის მთავარი საახალწლო ნაძვის ხის ანთება მერიას გუშინ, 25 დეკემბერს ჰქონდა დაგეგმილი, თუმცა ქობულეთში მომხდარი ავტოსაგზაო შემთხვევის გამო, რომელსაც ხუთი ადამიანის სიცოცხლე ემსხვერპლა, ქალაქში დაგეგმილი საზეიმო ღონისძიებები გააუქმეს.

ბათუმში მთავარი საახალწლო ნაძვის ხე წელს 200 მანათობელი ქოლგით მორთეს. მთავარი საახალწლო ნაძვის ხის დეკორაციული სანათები , მათ შორის, სანათი ქოლგები, ბათუმის მერიის კულტურის ცენტრმა ტენდერში გამარჯვებულ კომპანია „აჭარგანათებისგან“ შეიძინა, ჯამში, 52 100 ლარად.

200 „ქოლგა“ ბათუმის მთავარ საახალწლო ნაძვის ხეზე

ნეტგაზეთის მასალების სხვა გამოცემებში გადაბეჭდვის წესი
ავტორი