მთავარი,სიახლეები

დააჯილდოვეს მოქალაქე, რომელიც ბათუმში დაჭრილ პოლიციელს დაეხმარა

25.12.2019 • 3800
დააჯილდოვეს მოქალაქე, რომელიც ბათუმში დაჭრილ პოლიციელს დაეხმარა

დღეს, 25 დეკემბერს, ბათუმის საკრებულოს სხდომაზე მადლობის სიგელი გადასცეს მოქალაქე რაულ თებიძეს, რომელმაც 18 დეკემბერს ბათუმის ქუჩაში თავდასხმის შედეგად დაჭრილი პოლიციელი გადაარჩინა.

ბათუმის საკრებულოს თავმჯდომარის, სულიკო თებიძის თქმით, მედიკოსებმა დაადასტურეს, რომ არა ამ მოქალაქის დახმარება, შესაძლოა პოლიციელი ვერ გადარჩენილიყო.

ბათუმის საკრებულოს თავმჯდომარის განცხადებით, აჭარის მთავრობის თავმჯდომარე სარეზერვო ფონდიდან რაულ თებიძეს 2000 ლარს გადასცემს.

რაულ თებიძე 41 წლისაა და მშენებლობაზე მუშაობს. იგი 18 დეკემბერს პოლიციელის დაჭრის ადგილას შემთხვევით აღმოჩნდა და მას პირველადი დახმარება გაუწია, სისხლდენა შეუჩერა და პოლიციელს საავადმყოფოშიც გაჰყვა.

გადაბეჭდვის წესი


ასევე: