შპს „სტადიონის“ ადმინისტრაციამ ბათუმის მშენებარე სტადიონზე შეზღუდული შესაძლებლობის პირებს უმასპინძლა. სტუმრები მიმდინარე სამუშაოებსა და მათთვის გამოყოფილ სივრცეებს გაეცნენ.
შპს „სტადიონის“ დირექტორის, ჯაბა სურმანიძის განცხადებით შშმ პირებისთვის 2 ზონაა გათვალისწინებული და 60 ადამიანზეა გათვლილი. სტადიონი სრულადაა ადაპტირებული და შშმ პირები ყველა სახის მომსახურებითა და ინფრასტრუქტურით ისარგებლებენ.
სტუმრებმა დადებითად შეაფასეს უკვე შესრულებული სამუშაოები. დეტალურად გაეცნენ დამატებით სერვისებს, მათ შორის საპარკინგე სივრცეს, საპირფარეშოებსა და კვების ბლოკებს.
