Batumelebi | ბათუმში 2 ნაკვეთი აუქციონზე თითო ბიჯით გაიყიდა – „100 საინვესტიციო შეთავაზება ბიზნესს“ ბათუმში 2 ნაკვეთი აუქციონზე თითო ბიჯით გაიყიდა – „100 საინვესტიციო შეთავაზება ბიზნესს“ – Batumelebi
RU | GE  

ბათუმში 2 ნაკვეთი აუქციონზე თითო ბიჯით გაიყიდა – „100 საინვესტიციო შეთავაზება ბიზნესს“

პროექტის – „100 საინვესტიციო შეთავაზება ბიზნესს“ ფარგლებში გამოცხადებული ელექტრონული აუქციონი დასრულდა. საქართელოს ეკონომიკის სამინისტროს ინფორმაციით აუქციონზე გამოტანილი 100-ზე მეტი ობიექტიდან 26 გაიყიდა. აქედან 2 მიწის ნაკვეთი ბათუმში.

ეს ნაკვეთები აუქციონზე თითო ბიჯით გაიყიდა: 

  • 9 840 კვ.მ მიწის ნაკვეთი ბათუმის შემოერთებულ ტერიტორიაზე [ახალისოფელში], ავგიას ქუჩა N 64ა-ში; საწყისი ფასი – 780 000 ლარი, გაყიდვის ფასი – 782 000 ლარი.
  • 42 073 კვ.მ მიწის  ნაკვეთი ბათუმში, ტბეთის ქუჩა N52-ში [ყოფილი ბითმაჟის ტერიტორია]; საწყისი ფასი – 3 703 000 ლარი, გაყიდვის ფასი 3 708 000- ლარი.

პირველი ნაკვეთის აუქციონში მითითებული იყო, რომ ნაკვეთის შესაძლო, სამომავლო განვითარების პროფილი, სასტუმრო კომპლექსია. მეორე ნაკვეთთან დაკავშირებით კი მითითებული იყო, რომ სამომავლო განვითარების პროფილი-სამრეწველო/სასაწყობეა.

ინტერნეტ გამოცემა ნეტგაზეთს სახელმწიფო ქონების ეროვნულ სააგენტოში უთხრეს, რომ აუქციონის პირველი ეტაპი დასრულდა, ხოლო დარჩენილ გაუყიდავ ქონებაზე აუქციონი კიდევ ერთხელ გამოცხადდება, ამასთან, სახელმწიფო გაზრდის მეორე ეტაპზე გასაყიდი ქონების რიცხვსაც. სააგენტოში ჯერ არ იციან, როდის გამოცხადდება მეორე აუქციონი, თუმცა ამბობენ, რომ ორ კვირაში პრივატიზებით სახელმწიფომ, ჯამში, დაახლოებით 41 მლნ ლარი მიიღო.

გაყიდული და გასაყიდი ქონების სრული სია ნახეთ ბმულზე:

100-ზე მეტი სახელმწიფო ობიექტიდან აუქციონზე 26 გაიყიდა, მთავრობა აუქციონს ისევ გეგმავს

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com