17 დეკემბერს, ღამით, ქუთაისის შემოვლით გზაზე მოძრაობა შეიზღუდება


17 დეკემბრის 00:00 სთ-დან 06:00 სთ-მდე, ქუთაისის შემოვლითი გზის მშენებლობის ფარგლებში, იგეგმება საერთაშორისო მნიშვნელობის თბილისი–სენაკი–ლესელიძის საავტომობილო გზის 255-ე კმ-ზე, ბეტონის დამგები მექანიზმის მდინარე ჭიშურას ხიდიდან ბაღდათის სატრანსპორტო კვანძზე გადატანა, რის გამოც ქუთაისის შემოვლით გზაზე მოძრაობა შეიზღუდება.

საავტომობილო გზების დეპარტამენტის ცნობით, დროის აღნიშნულ პერიოდში, სატრანსპორტო ნაკადის მოძრაობა განხორციელდება თბილისი-სენაკი-ლესელიძის საავტომობილო გზის კმ216 (ნახშირღელეს სატრანსპორტო კვანძი), ქუთაისი-სამტრედიის და ქუთაისი-გეგუთი-საყულია-ბაში-იანეთის საავტომობილო გზების და აბაშის სატრანსპორტო კვანძის გავლით.

დეპარტამენტის ცნობით, მოძრაობა განხორციელდება საპატრულო პოლიციის ზედამხედველობითა და კოორდინაციით.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.