კომპანია GGM-ის მმართველი, გენო გელაძე ინიციატივით გამოდის, საახალწლო განწყობის შექმნაში, მერიის მიერ დაგეგმილი აქტივობის პარალელურად, ჩაერთონ ბიზნესკომპანიები და ამხანაგობები. იგი ინიციატივის შესახებ ფეისბუქზე წერს.
გენო გელაძე:
„საახალწლო განწყობა ბათუმში ყველასთვის, ყველგან რომ გავაკეთოთ/შევქმნათ, თან ისე, ქალაქის ბიუჯეტს რომ არ დააწვეს, ვფიქრობ, შესაძლებელია.
დავიწყოთ, თუნდაც ორი პოზიტიური აქტივობით:
- საახალწლოდ საცხოვრებელი სახლების, სასტუმროების, ოფისების, კორპუსების, სახელმწიფო დაწესებულებების ერთი დიზაინით განათება (შენობის კონტურების განათება). პირველ წელს ამ ამბავში რომ ჩაერთონ მშენებლები, სასტუმროები, რესტორნები, სამედიცინო დაწესებულებები. მერე კი, მერია, ამხანაგობების წახალისებით, მთელ ქალაქს მოიცავს და საახალწლოდ, მხოლოდ ერთი ნაძვის ხე კი არა, მთელი ქალაქის შენობები ”აინთება”.
- ქალაქის ყველა უბანში ნელ-ნელა დავიწყოთ კულტურის შექმნა, საახალწლოდ კერძო (მოსახლეობა, ბიზნესი) რესურსებით ლოკაციის მოწყობის, გართობის/განწყობის ამბის ორგანიზების მიზნით (თუნდაც უბნების ერთგვარი შეჯიბრი, ვინ უფრო კრეატიულად შეხვდება ახალი წლის დადგომას ეზოში/ქუჩაში და რამდენად გრძელვადიან/გასართობ ამბავს შექმნის).
ვფიქრობ, ამ მხრივ ქალაქის ბიუჯეტი უნდა დავზოგოთ და ძირითადად მოსახლეობამ თვითორგანიზებით გავაკეთოთ.
ორივე, ჩემის აზრით პოზიტიური კულტურის ჩამოყალიბების ორგანიზება, კრეატიულად დაგეგმვა, ეფექტიანად მართვა და ყოველწლიურად განვითარება კი ქალაქის მერიის ამოცანა გახდეს.
აჭარის მთავრობამ, სხვა მუნიციპალიტეტებმა, ანალოგიური, ან უფრო კრეატიული, ყველას პოზიტივზე გათვლილი ამბავი სხვადასხვა მუნიციპალიტეტში უნდა გააკეთონ.
ვფიქრობ, ამგვარი, პოზიტიური კულტურის ჩამოყალიბება-განვითარების საქმეში მედიის და ბიზნესის როლი განსაკუთრებულია“.
___________
წყარო: facebook
