მთავარი,სიახლეები

აჭარის უმაღლესი საბჭოს დეპუტატი აქციაზე დააკავეს

18.11.2019 • 1867
აჭარის უმაღლესი საბჭოს დეპუტატი აქციაზე დააკავეს

აჭარის უმაღლესი საბჭოს წევრი, ფრაქცია „ერთიანი ნაციონალური მოძრაობის“ თავმჯდომარე, ელგუჯა ბაგრატიონი პოლიციამ დააკავა. ინფორმაციას მისი ფრაქციის წევრი, უმაღლესი საბჭოს დეპუტატი გია აბულაძე ადასტურებს, რომელიც ელგუჯა ბაგრატიონთან ერთად აქციაზე იმყოფებოდა.

კონკრეტულად რა მიზეზით დააკავეს ელგუჯა ბაგრატიონი, ამის შესახებ გია აბულაძეს ინფორმაცია არ აქვს.

ელგუჯა ბაგრატიონის დაკავებამდე რამდენიმე წუთით ადრე შინაგან საქმეთა სამინისტრომ გაავრცელა ინფორმაცია პარლამენტთან დაკავებულების შესახებ. სამინიტროს ცნობით, პარლამენტის შენობასთან მიმდინარე აქციის დროს ადმინისტრაციულ სამართალდარღვევათა კოდექსით გათვალისწინებული დარღვევისთვის პოლიციამ 18 პირი დააკავა.

აღნიშნული პირები საქართველოს ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევისთვის არიან დაკავებული.

როგორც შსს აცხადებს, საკანონმდებლო ორგანოს შენობის მიმდებარე ქუჩებსა და რუსთველის გამზირზე მიმდინარეობს დასუფთავების სამუშაოები და საავტომობილო მოძრაობა უახლოეს პერიოდში აღდგება.

უწყების ცნობით, შინაგან საქმეთა სამინისტროს დანაყოფები, საზოგადოებრივი უსაფრთხოებისა და მართლწესრიგის დაცვის მიზნით, რუსთაველის გამზირზე რჩებიან.

ნეტგაზეთის ინფორმაციით, დაკავებულთა შორის არიან აქციის მონაწილეები: ზუკა ბერძენიშვილი, გიგა მაქარაშვილი, ზურაბ ჯაფარიძე და სხვები.

გადაბეჭდვის წესი


ასევე: