საქართველოს საზღვაო ტრანსპორტის სააგენტოში ამბობენ, რომ კავშირზე არიან როგორც ბერძნულ კომპანიასთან, ასევე ქართველი მეზღაურის ოჯახთან, თუმცა ჯერჯერობით აღნიშნულ თემაზე კომენტარს ვერ გააკეთებენ.
10 დღე გავიდა მას შემდეგ, რაც მეკობრეები აფრიკაში, ტოგოს რესპუბლიკის სანაპიროსთან, ბერძნულ ტანკერ Elka Aristotle-ს დაესხნენ თავს და ეკიპაჟის 4 წევრი ტყვედ აიყვანეს. ოთხ ტყვეს შორის ერთი ქართველი მეზღვაურია, ორი – ფილიპინელი და ერთი ბერძენი.
ბერძნული მედიის ცნობით, ამ დრომდე მეკობრეები გემის მფლობელ კომპანიასთან, ასევე, ტყვედ აყვანილი ბერძენი მეზღვაურის ოჯახთან, კავშირზე არ გამოსულან.
გუშინ, 12 ნოემბერს, განცხადება გაავრცელა საბერძნეთის საგარეო საქმეთა სამინისტრომ. განცხადებაში აღნიშნულია, რომ სამინისტრო თვალყურს ადევნებს ტოგოში მეზღვაურების გატაცების საქმეს.
