მთავარი,სიახლეები

სოციალური საწარმოები, სადაც ყოფილი პატიმრები დასაქმდებიან

01.11.2019 • 1269
სოციალური საწარმოები, სადაც ყოფილი პატიმრები დასაქმდებიან

„დემოკრატიის ინსტიტუტმა“ იმერეთში „გათბობა-გაგრილების მომსახურების სერვისი“ გახსნა ფონდ ,,აფხაზინტერკონტთან“ ერთად.  საწარმოში, სადაც მომხმარებელს სისტემის დამონტაჟების უსაფრთხო და მაღალკვალიფიციურ მომსახურებას სთავაზობენ, ყოფილი პატიმრები და მათი ოჯახის წევრები არიან დასაქმებულები.

საწარმო „ყოფილი პატიმრების გაძლიერების პროექტის“ ფარგლებში მოეწყო. დასაქმება საპატიმროდან გათავისუფლების შემდეგ ყოფილი პატიმრებისთვის ერთ-ერთი მთავარი პრობლემაა. საწარმოს გახსნის იდეაც ამ საჭიროებამ გააჩინა.

სოციალური საწარმოა „აგამაც“, სადაც ასევე ყოფილი პატიმრები არიან დასაქმებულები. ,,ყოფილი პატიმრების გაძლიერების პროექტის“ ფარგლებში საწარმო გაძლიერდა და გაფართოვდა. აქ კენკრა მოჰყავთ  ეკოლოგიურად სუფთა მეთოდებით, თუმცა წელს ევროკავშირის ფინანსური მხარდაჭერით საწარმოში მურაბებისა და კომპოტების დამზადებაც დაიწყეს.

ოქტომბრის შუა რიცხვებში ევროკავშირის დელეგაციის წარმომადგენლებმა ორივე სოციალური საწარმო დაათვალიერეს.

„დემოკრატიის ინსტიტუტი“ თითქმის ორი წელია ახორციელებს ყოფილი პატიმრების გაძლიერების პროექტს და მისი მთავარი მიმართულება სწორედ დასაქმების ხელშეწყობა, მცირე ბიზნესის წახალისებაა, რაც პროექტის ბენეფიციარებისთვის სტაბილური დასაქმების შესაძლებლობას ქმნის.


ყოფილი პატიმრების გაძლიერების პროექტი მიზნად ისახავს:

  • ყოფილ პატიმართა ჯანმრთელობის მდგომარეობის გაუმჯობესების ხელშეწყობას 
    • იურიდიულ დახმარებას
  • ბენეფიციართა გადამისამართებას შესაბამისი პროფილის სამედიცინო დაწესებულებაში
    • ბენეფიციართა დახმარებას (ადვოკატირებას), რომ ისარგებლონ კუთვნილი სამედიცინო შეღავათებით და შესაბამისი სახელმწიფო პროგრამებით
  • ყოფილი პატიმრების, პრობაციონერებისა და მათი ოჯახის წევრების მცირე სამეწარმეო ინიციატივების წახალისებას
  • სამიზნე ჯგუფების დასაქმების ხელშეწყობას

 

ზემოთ ჩამოთვლილი სერვისებით სარგებლობა შეუძლიათ ყოფილ პატიმრებს, პატიმართა ოჯახის წევრებსა და პრობაციონერებს. ამისთვის მათ უნდა მიმართონ:

აჭარაში – დემოკრატიის ინსტიტუტს – ქ.ბათუმი ჭავჭავაძის ქ. №107, ტელ: (0422) 27 57 44

იმერეთში – აფხაზინტერკონტს / ქ.ქუთაისი ნინოშვილის ქ. №27, ტელ: (0431) 26 48 61

გურიაში – გურიის ახალგაზრდულ რესურსცენტრს /ოზურგეთი რუსთაველის ქ. №4, ტელ: (0496) 27 41 26

თანაზიარი – რუსთაველის ქ. 88 /ტელ: (0415) 22 10 78

 

 

მასალა მომზადებულია პროექტის – „ყოფილი პატიმრების, პატიმართა ოჯახებისა და პრობაციონერების მხარდაჭერის პროგრამა“  ფარგლებში.
პროექტს ახორციელებს ა(ა)იპ „დემოკრატიის ინსტიტუტი“ და დაფინანსებულია ევროკავშირის მიერ.
მასალაში გამოთქმული მოსაზრებები ავტორისეულია და შესაძლოა არ გამოხატავდეს დონორი ორგანიზაციის თვალსაზრისს.

გადაბეჭდვის წესი


ასევე: