მთავარი,სიახლეები

ოპოზიცია „სვეტი ჯგუფის“ მიერ დაზარალებულებისთვის ინვესტორის მოძიებას ითხოვს

01.11.2019 • 1231
ოპოზიცია „სვეტი ჯგუფის“ მიერ დაზარალებულებისთვის ინვესტორის მოძიებას ითხოვს

ოპოზიციის მიერ ინიცირებული საკითხი ბათუმის ამ მოწვევის საკრებულოში დღის წესრიგში პირველად მოხვდა, თუმცა უმრავლესობამ  მის დამტკიცებას მხარი არ დაუჭირა. უარის მიზეზი იყო მოტივი, რომ კომისია, რომლის შექმნასაც „ერთიანი ნაციონალური მოძრაობის“ ფრაქცია ითხოვს, ისედაც შექმნილია და მუშაობს.

საკრებულოს „ნაციონალური მოძრაობის“ ფრაქცია კომისიის შექმნას შპს „სვეტი ჯგუფის“ მიერ დაზარალებული ოჯახების შესწავლისა და ახალი ინვესტორის მოზიდვის მიზნით კომპანიასთან მოლაპარაკებების დასაწყებად ითხოვდა.

სამშენებლო კომპანია „სვეტი ჯგუფი“ ბათუმში, თამარ მეფის #1-ში მრავალბინიან სახლს აშენებდა,  კომპანიას ბინების შესყიდვასთან დაკავშირებით ხელშეკრულებები გაფორმებული ჰქონდა მომავალ მესაკუთრეებთან, რომლებმაც ამ ბინების ღირებულება კომპანიას წინასწარ გადაუხადეს. კომპანიამ ბინის მშენებლობა ვერ დაასრულა, შესაბამისად აღებული ვალდებულება ვერ შეასრულა.

ფრაქციაში მიიჩნევენ, რომ სახელმწიფომ, როგორც სოციალური თანასწორობის გარანტმა, ყველაფერი უნდა გააკეთოს დაზარალებული ოჯახების პრობლემების შესასწავლად. ფრაქციაში მოიაზრებენ, რომ ამ ჯგუფმა პროექტის დასრულების მიზნით ინვესტორის მოძიება უნდა შეძლოს.

„თუნდაც დავაინტერესოთ იმით, რომ გადავცეთ სხვა ნაკვეთი სიმბოლურ ფასად“, – განაცხადა ფრაქციის თავმჯდომარემ, მირდატ ქამადაძემ სხდომაზე.

„სვეტი ჯგუფმა“ სამშენებლო სახლის მშენებლობა 2016 წელს დაიწყო, 2017 წლის ბოლოს კი მშენებლობა შეჩერდა. აქციაზე შეკრებილების თქმით, კომპანიის ორი მესაკუთრე დააკავეს, ხოლო მერიამ უნებართვო მშენებლობის დემონტაჟის შესახებ გამოსცა განკარგულება. კომპანია აქ ბინებს მშენებლობის დაწყებამდე ყიდდა.

გადაბეჭდვის წესი


ასევე: