როგორი შეიძლება იყოს გომარდული [ფოტო]

აჭარის ფინანსთა და ეკონომიკის სამინისტრო გომარდულის განვითარების პროექტს აქვეყნებს, რომელიც საკონსულტაციო კომპანია „პროპროჯექტმა“ აჭარაში სპორტული ტურიზმის განვითარების სტრატეგიის ფარგლებში მოამზადა.

კვლევის შედეგად კომპანიამ აჭარაში სპორტის განვითარებისთვის სამი ადგილი შეარჩია: გომარდული, ქობულეთი, ბათუმი. პროექტის ფარგლებში გომარდულის განაშენიანების გეგმა და არქიტექტურული დიზაინი შეიქმნა. პროექტი და განვითარების გეგმა ორიენტირებულია 4 სეზონზე.

გომარული. პროექტიდან.

აჭარის მთავრობის ცნობით, სპორტული ტურიზმის განვითარების მიზანი აჭარის ეკონომიკის პრიორიტეტული სექტორის – ტურიზმის დივერსიფიკაციაა.

„პროპროჯექტს“ საქმიანობის 54-წლიანი გამოცდილება აქვს და მსოფლიოში 2000-ზე მეტი პროექტის ავტორია, მათ შორის მიუნჰენის პარკისა და სტადიონის სტრატეგიული განვითარების კონცეფციის, მიუნჰენის ბაიერნის ახალგაზრდული აკადემიის სპორტული კომპლექსის, ჰამბურგისა და აბუდაბის სპორტის განვითარების სამოქმედო გეგმის და ა.შ.

ამავე თემაზე: