განათლების სამინისტროს ინფორმაციით, სამინისტროსა და აშშ-ს ვებსტერის უნივერსიტეტს შორის თანამშრომლობის მემორანდუმი გაფორმდა. ამერიკული უნივერსიტეტი საქართველოში ბიზნესის, კომუნიკაციების, ტექნოლოგიებისა და სხვა დარგებში საკუთარ პროგრამებს განახორციელებს.
სამინისტროს ინფორმაციით, სამომავლოდ დაგეგმილია სპეციალური პროგრამების შემუშავება განათლების სფეროს სხვადასხვა მიმართულებით, უცხოელი ექსპერტების დახმარებით. ასევე დაგეგმილია, საქართველოში ვებსტერის უნივერსიტეტის ჩამოყალიბება, რაც სამინისტროს განცხადებით, „საქართველოს უმაღლესი განათლების ინტერნაციონალიზაციას შეუწყობს ხელს“.
ვებსტერის უნივერსიტეტის პროგრამები მსოფლიოს სხვადასხვა ქვეყანაში ხორციელდება, მათ შორის: ავსტრიაში, ჰოლანდიაში, შვეიცარიასა და საბერძნეთში.
