Batumelebi | ტრამპის წერილი ერდოღანს: “ნუ იქნები სულელი” ტრამპის წერილი ერდოღანს: “ნუ იქნები სულელი” – Batumelebi
RU | GE  

ტრამპის წერილი ერდოღანს: “ნუ იქნები სულელი”

ამერიკის შეერთებული შტატების პრეზიდენტი დონალდ  ტრამპი თურქეთის პრეზიდენტს რეჯეფ ტაიპ ერდოღანს წერილით მიმართავს. წერილი  ტელეკომპანია FOX-ის ბიზნესის რეპორტიორმა თრიშ რეგანმა მოიპოვა და ტვიტერზე გაავრცელა.

წერილში ტრამპი ერდოღანს ეკონომიკური სანქციებით ემუქრება.

“ძვირფასო ბატონო პრეზიდენტო,

მოდი დავიწყოთ მუშაობა გარიგებისათვის. შენ არ გსურს ათასობით ადამიანის სისხლისღვრაზე აიღო პასუხისმგებლობა და მე არ მსურს, თურქეთის ეკონომიკის განადგურებაზე ვიყო პასუხისმგებელი – და ვიქნები. მაგალითი უკვე გაჩვენე პასტორ ბრენსონის შემთხვევაში.

მე ბევრს ვმუშაობ შენი პრობლემების გადასაჭრელად. შენ შეგიძლია კარგი გარიგება დადო. გენერალი მაზლუმი მზადაა მოლაპარაკებისათვის და ის ამ მოლაპარაკებისას წავა იმ დათმობებზე, რომელზეც არასდროს წასულა მანამდე.

ისტორია დაგიფასებს, თუკი ამას სწორად და ჰუმანურად გააკეთებ, მაგრამ შეგრაცხავს სატანად, თუ მოვლენები კარგად არ განვითარდება. ნუ იქნები მაგარი ბიჭი! ნუ იქნები სულელი!

მოგვიანებით გადმოგირეკავ,“ – წერს  დონალდ ტრამპი ერდოღანს.

გარდიანის თანახმად, წერილის ავთენტურობა დაადასტურა თეთრმა სახლმა სხვადასხვა გამოცემასთან.

 

ნეტგაზეთის მასალების სხვა გამოცემებში გადაბეჭდვის წესი
ავტორი