მტირალას ეროვნულ პარკში ხის კოტეჯს ჩადგამენ


დაცული ტერიტორიების სააგენტო მტირალას ეროვნულ პარკში ერთ ხის კოტეჯს ჩადგამს. სააგენტო სამუშაოებს ტენდერით შეისყიდის, რისთვისაც 56 ათასი ლარია გათვალისწინებული. კოტეჯი ქედის მუნიციპალიტეტის სოფელ ზუნდაგიდან დაახლოებით 12 კმ მანძილზე უნდა აშენდეს.

მტირალას ეროვნულ პარკში მითითებულ ადგილზე ხის კოტეჯი [36,6 კვ/მ], ტენდერში გამარჯვებულმა, ხელშეკრულების გაფორმებიდან 40 დღეში უნდა ააშენოს. ტენდერში წინადადებების მიღება კი 31 ოქტომბერს დასრულდება.

ტენდერის პირობით: ყველა გამოყენებული მასალა და მოწყობილობა უნდა იყოს ახალი, ექსპლუატაციაში არ მყოფი, მაღალი ხარისხის და უნდა შეესაბამებოდეს ამ სფეროში აღიარებულ სტანდარტებს; შესრულებულ სამონტაჟო სამუშაოებზე საგარანტიო ვადა შეადგენს არანაკლებ 2  წელს, რომლის განმავლობაშიც რაიმე წუნის (ნაკლოვანებები, დეფექტი) აღმოჩენის შემთხვევაში, მიმწოდებელი ვალდებულია, აღმოფხვრას უხარისხოდ შესრულებული სამუშაოები საკუთარი ხარჯებით.

კოტეჯის არქიტექტურა / პროექტიდან

მტირალასა და კოლხეთის ეროვნულ პარკებსა და კინტრიშისა და ქობულეთის დაცულ ტერიტორიებს ბუნების დაცვის მსოფლიო კავშირის ექსპერტები სწავლობენ. ისინი ადგილზე ეცნობიან კოლხურ ტყეებსა და ჭარბტენიან ტერიტორიებს.

ამ თემაზე:

იუნესკოში წარდგენილ მტირალას, კინტრიშისა და ქობულეთის დაცულ ტერიტორიებს ექსპერტები სწავლობენ

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com