12 ოქტომბერს, შაბათს, ბათუმის დრამატულ თეატრში [ახალი სცენა] გაიმართება Black Rabbit Foot-ის კონცერტი.
Black Rabbit Foot-ი არის კომპოზიტორის, მუსიკოსისა და არანჟირების ავტორის Bek Bekson-ის ახალი ექსპერიმენტული პროექტი. კონცერტზე თქვენ ნახავთ Bek Bekson-ის შექმნილ მუსიკალურ ინსტრუმენტს Scythe Harp Bass-ს და ნიღბებს, რომელიც ზღაპრულ სამყაროში გადაგიყვანთ.
პროექტის მონაწილეები არიან: ათინა ჯანუაშვილი, ირაკლი სანადირაძე და გოჩა ყაჭეიშვილი.
დასწრება თავისუფალია.
დასაწყისი: 20 საათზე.
მისამართი: ბათუმი, მელაშვილის ქუჩის 32 ა.
კონცერტი მუსიკალური ფესტივალის, Black Sea Sound-ის ფარგლებში იმართება. აღნიშნული ფესტივალი 2014 წელს დაარსდა ბათუმში და მისი მიზანი ქართველი ხელოვანების, განსაკუთრებით კი საავტორო, ექსპერიმენტული მუსიკის წარმომადგენლების მხარდაჭერა და საზოგადოებისთვის მათი შემოქმედების გაცნობაა. Black Sea Sound-ი სამი ძირითადი ნაწილისგან შედგება: საავტორო, ექსპერიმენტული მუსიკის მხარდაჭერა; განათლება – ვორქშოპები და ტრენინგები და გართობა – კონცერტები ღია ცის ქვეშ და ფერების ფესტივალი.
პროექტის ორგანიზატორია EREDELI, მხარდამჭერი – აჭარის განათლების, კულტურისა და სპორტის სამინისტრო.
____________
ფოტო: Black Sea Sound