მე-16 საჯარო სკოლის ტერიტორიის გეოლოგიური და შენობის კონსტრუქციული კვლევა ჩატარდება


ბათუმის მე-16 საჯარო სკოლის ტერიტორიის გეოლოგიური და შენობის კონსტრუქციული კვლევის ჩატარება, როგორც აჭარის განათლების სამინისტროში გვითხრეს, შენობის დაგეგმილ რეაბილიტაციას უკავშირდება.

„გადაწყვეტილი გვაქვს ამ სკოლის რეაბილიტაცია. რეაბილიტაციისთვის საჭირო პროექტის შეძენამდე კი აუცილებელია, როგორც სკოლის ტერიტორიის გეოლოგიური, ასევე შენობის კონსტრუქციული კვლევა. კვლევის შედეგებიდან გამომდინარე შევისყიდით პროექტს, ხოლო სკოლის რეაბილიტაციისთვის თანხა, სავარაუდოდ, 2021 წლის ბიუჯეტში იქნება გათვალისწინებული“ – გვითხრეს სამინისტროში.

ბათუმის მე-16 საჯარო სკოლა / 5.10.2019

ბათუმში, მაიაკოვსკის ქუჩაზე მდებარე, მე-16 საჯარო სკოლის ტერიტორიისა და შენობის კვლევა უფასოდ უნდა ჩაატაროს იმ ტენდერში გამარჯვებულმა, რომელი ტენდერიც სამინისტრომ სხვადასხვა სკოლების სარეაბილიტაციო პროექტების შესაძენად გამოაცხადა. მე-16 საჯარო სკოლის კვლევა ამ ტენდერის დამატებითი და აუცილებელი პირობაა.

ამ სკოლების ჩამონათვალი იხილეთ ბმულზე:

სამინისტრო ბათუმსა და აჭარაში 16 სკოლის სამშენებლო და სარეაბილიტაციო პროექტს შეისყიდის

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com