აჭარის ფინანსთა და ეკონომიკის სამინისტროს მიერ აუქციონზე გატანილი „პაბედა“ დღეს, 23 სექტემბერს, 4800 ლარად გაიყიდა. ავტომანქანის გაყიდვის საწყისი ფასი ამჯერად 4 500 ლარი იყო, ბიჯი – 150 ლარი. „პაბედა“ ორი ბიჯით გაიყიდა. ელექტრონულ აუქციონში გამარჯვებულის ვინაობა მოგვიანებით გახდება ცნობილი.
აჭარის ავტონომიური რესპუბლიკის საკუთრებაში არსებული ავტომანქანა „GAZ M20 POBEDA“, რომლის საწყისი გასაყიდი ფასი თავიდან 600 ლარი იყო, სამინისტრომ ჯერ 12 255 ლარად გაყიდა, თუმცა აუქციონში გამარჯვებულებმა „პაბედა“ არ წაიღო, შემდეგ კი – 10 080 ლარად, თუმცა, გამარჯვებულს მანქანა არც ამჯერად წაუღია.
„ავტოსატრანსპორტო საშუალება არის არამუშა მდგომარეობაში, აღენიშნება დიდი რაოდენობით ჟანგვა, ვიზუალურად არადამაკმაყოფილებელია, დაზიანებული აქვს სავალი ნაწილი და ძრავი. სახელმწიფო ნომერი: ავტომანქანა „GAZ M20 POBEDA” (სახელმწიფო ნომერი: BB 194 BT, საიდენტიფიკაციო N; 40842, ძრავის საიდენტიფიკაციო N: 258972, გამოშვების წელი: 1953)“ – აღწერილობა აუქციონიდან.
სამინისტრო ამჯერად კიდევ ერთ, „პიკაპის“ ტიპის ავტომანქანა „გრეით ვოლ ვინგლი 5“-ს ყიდის, რომლის მდგომარეობაც ცუდია. მისი გაყიდვის საწყისი ფასი 3 500 ლარია, ვაჭრობის ბიჯი კი – 70 ლარი.
ამ თემაზე:
შავი „პაბედა“ და რუხი „პიკაპი“ – აჭარის ქონება აუქციონზე იყიდება
