მთავარი,სიახლეები

3 კორპუსი 26 დაბალი კოტეჯის ნაცვლად – ალიანსი ქობულეთში პროექტს ცვლის 

24.09.2019 • 2744
3 კორპუსი 26 დაბალი კოტეჯის ნაცვლად – ალიანსი ქობულეთში პროექტს ცვლის 

ქობულეთში, აღმაშენებლის გამზირზე, ზღვის პირველ ზოლში, შპს „ალიანსი“ აუქციონით შეძენილ მიწის ნაკვეთზე უკვე შეთანხმებულ განაშენიანების რეგულირების გეგმაში ცვლილებას ითხოვს. „ბათუმელების“ ინფორმაციით, ცვლილება ორსართულიანი 26 კოტეჯის ნაცვლად სამი მაღლივი კორპუსის მშენებლობას ითვალისწინებს. შენობებს შორის დაშორება 50 მეტრი იქნება.

მერიის პრესსამსახურში გვითხრეს, რომ მერიას ორი მაღლივი შენობის მშენებლობა უკვე შეთანხმებული აქვს და ახლა მესამე – 31-სართულიან შენობაზე შეთანხმებას ითხოვს.

26 213 კვადრატული მეტრი არასასოფლო-სამეურნეო დანიშნულების მიწის ნაკვეთი ქობულეთში, აღმაშენებლის #291-ში, ზღვასთან ახლოს შპს „ქობულეთი ალიანსმა“ აჭარის ფინანსთა და ეკონომიკის სამინისტროს პირობადებულ აუქციონზე 1 მილიონ 468 ათას 500 ლარად იყიდა.

აუქციონის პირობების მიხედვით, კომპანიამ უნდა ააშენოს მრავალფუნქციური შენობა-ნაგებობა, რომელშიც უნდა განთავსდეს არანაკლებ 200-ნომრიანი სასტუმრო, სპაცენტრი, ბავშვთა გასართობი სივრცე, ღია სპორტულ მოედანი, კვების და სხვა საზოგადოებრივი ობიექტები.

გადაბეჭდვის წესი


ასევე: