პროდიუსერი ჰოლივუდიდან გეილი ანე ჰურდი, გელა ბაბლუანი და სხვები – Biaff 2019-ის მასტერკლასები


კინოფესტივალი BIAFF- ყოველწლიურად  საინტერესო კინოპროგრამას წარუდგენს მაყურებელს როგორც საკონკურსო, ისე არასაკონკურსო სექციებში. ფესტივალს ყოველ წელს ბევრი მნიშვნელოვანი სტუმარი ჰყავს – რეჟისორები, პროდიუსერები, მსახიობები და ა.შ.

კინოფესტივალი 2019 წლის 15-22 სექტემბერს ჩატარდება. 2006 წელს დაარსებული კინოფესტივალი წელს მეთოთხმეტედ იმართება და მისი ორგანიზატორია ბათუმის ხელოვანთა სახლი „არგანი“, ოფიციალური პარტნიორი კი – ქალაქ ბათუმის მერია.

უკვე ცნობილია საკონკურსო ფილმების პროგრამა, რომელშიც სრულმეტრაჟიანი მხატვრული, დოკუმენტური და მოკლემეტრაჟიანი ფილმები შედის. ცნობილია ასევე არასაკონკურსო ფილმების ჩამონათვალიც, რომელიც ტრადიციულად ,,დიდოსტატთა კოლექციის” სექციაში იქნება ნაჩვენები.

წელს ბათუმის კინოფესტივალს არაერთი საპატიო სტუმარი ეყოლება, ისინი პრესკონფერენციებსა და მასტერკლასებს გამართავენ, რაც საინტერესო იქნება როგორც კინოს სხვადასხვა მიმართულების სპეციალისტების, ასევე, ზოგადად, კინომოყვარულებისთვის.

ფესტივალის ფარგლებში საპატიო სტუმრების პრესკონფერენციებისა და მასტერკლასების განრიგი ასეთია:

 

16 სექტემბერი

12.30-14.00 პოლ შრედერი (აშშ)მასტერკლასი/Q&A

პოლ შრედერი ცნობილი ამერიკელი სცენარისტი და რეჟისორია. მუშაობდა მარტინ სკორსეზესთან და არის ისეთი ცნობილი ფილმების სცენარისტი, როგორიცაა – „ტაქსის მძღოლი“, „ცოფიანი ხარები“, „ქრისტეს უკანასკნელი ვნებანი“ და ა.შ.

16.00 – 17.00 – დენის ლავანი (საფრანგეთი), ვეიტ ჰელმერი (გერმანია) – Q&A/პრესკონფერენცია

დენის ლავანი ცნობილი ფრანგი მსახიობი, თანამედროვე ფრანგული კინოს ცნობილი წარმომადგენელია. შესრულებული აქვს მრავალი საინტერესო როლი, მათ შორის ფრანგი რეჟისორის, ლეო  კარაქსის ფილმებში.

17.00-18.30 – ქშიშტოფ ზანუსი (პოლონეთი) – მასტერკლასი/Q&A

ცნობილი პოლონელი რეჟისორის, ქშიშტოფ ზანუსის ფილმებს მიღებული აქვთ უამრავი პრიზი მრავალ ცნობილ კინოფესტივალზე, მათ შორის – კანში, ლოკარნოში, როტერდამი, ვენეციაში,  მონრეალში, ტოკიოში, ჩიკაგოში და ა.შ. 

ადგილმდებარეობა:  სასტუმრო „WYNDHAM Batumi“ (საკონფერენციო დარბაზი, სართული #2) – აბაშიძის . 33 (ევროპის მოედნის პირდაპირ)

 

19 სექტემბერი

12.30-13.00 – პრესკონფერენცია – „გამოფენა კოსმოსში“ –  რომანოზი/თოკო მზარელუა

13.00-14.00 – ალექსანდრე მინდაძე (რუსეთი) –  მასტერკლასი/Q&A

სცენარისტი და რეჟისორი ალექსანდრე მინდაძე მრავალი საერთაშორისო კინოფესტივალის (ვენეცია, ბერლინალე და ა.შ.) და ჯილდოს მფლობელია.

ადგილმდებარეობა:  სასტუმრო „WYNDHAM Batumi“ 

16.00 – 17.30 – “WIFT-Caucasus” პანელი – „წარმატების ფორმულა“, საპატიო სტუმარიგეილი ანე ჰურდი, აშშ.

გეილი ანე ჰურდი ჰოლივუდის ერთ-ერთი გავლენიანი და ცნობილი პროდიუსერია. იყო პროდიუსერი ფილმებისა –  The Terminator, The Walking Dead, Armageddon, Aliens და ა.შ.).

ადგილმდებარეობა:  სასტუმრო „RADISSON BLUE Batumi“(საკონფერენციო დარბაზი, სართული #2)  – ნინოშვილის .1 

 

20 სექტემბერი 

13.00-14.30 – “როგორ ვაწარმოოთ ფილმის პრომოუშენი ოსკარის და ოქროს გლობუსის დაჯილდოების ნომინაციისთვის” – ტატიანა დეტლოფსონი, აშშ.

ფესტივალების და კინოფილმების პრომოუშენის ექსპერტი ამერიკიდან. ტატიანა დეტლოფსონი  კოორდინაციას უწევდა კინოფილმის ოსკარზე და ოქროს გლობუსზე ნომინირებული მრავალი უცხოენოვანი ფილმის პრომოუშენს. მათ შორის ქართული ფილმების – „მანდარინები“ (ზაზა ურუშაძე), „საშიში დედა“ (ანა ურუშაძე), „სხვისი სახლი“ (რუსუდან გლურჯიძე).

ადგილმდებარეობა:  სასტუმრო „WYNDHAM Batumi“ 

 

21 სექტემბერი 

12.30-13.30 – „CREATIVE EUROPE-ის პროგრამის შესაძლებლობები მხატვრული ფილმებისთვის“ – დიანა მაღლაკელიძე, ქეთი შენგელია (“შემოქმედებითი ევროპის დესკი საქართველოში”)

15.00-15.40 – პრესკონფერენცია / შეხვედრა – მოკლემეტრაჟიანი ფილმების ქართველ რეჟისორებთან

16.00-17.30 –  „ახალი ქართული კინოსკოლის“ პრეზენტაცია – შეხვედრა გელა ბაბლუანთან

ადგილმდებარეობა:  სასტუმრო „WYNDHAM Batumi“ 

 

მასტერკლასებზე დასწრება თავისუფალია.

გაითვალისწინეთმასტერკლასების ჩატარების თარიღი/დრო შესაძლებელია შეიცვალოს (მონაწილეების მგზავრობის განრიგის ცვლილებების შემთხვევაში). ამის შესახებ ინფორმაცია გამოქვეყნდება კინოფესტივალის საიტზე (www.biaff.org, Facebook გვერდზე (www.facebook.com/biaffbatumi) და ასევე ბეჭდური სახით გავრცელდება კინოთეატრაპოლოში“.

 


ამავე თემაზე:

 

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან