ბათუმი,მთავარი,სიახლეები

ხულოსა და ქობულეთის სოფლების ტურისტულ პოტენციალს შეისწავლიან

17.08.2019 • 2800
ხულოსა და ქობულეთის სოფლების ტურისტულ პოტენციალს შეისწავლიან

აჭარის ტურისტული პროდუქტების განვითარების სააგენტო ხულოსა და ქობულეთში ტურისტული ბილიკების/მარშრუტების კვლევისა და მარკირების პროექტის შესყიდვას გეგმავს. სააგენტოს ამისთვის 50 ათასი ლარი აქვს გათვალისწინებული და ტენდერიც გამოცხადებულია.

ტენდერში გამარჯვებულმა შემდეგი სამუშაოები უნდა ჩაატაროს:

[checklist]

  •  ხულოს ცენტრთან ახლომდებარე სოფლების ტურისტული პოტენციალის კვლევა და ხულოს ცენტრთან დაკავშირებული ტურისტული მარშრუტების მარკირების პროექტების მომზადება;
  •  ქობულეთის სოფლების ტურისტული პოტენციალის კვლევა, ასევე, სხვა მუნიციპალიტეტებთან დამაკავშირებელი ტურისტული ბილიკების მარკირების პროექტების მომზადება.

[/checklist]

ტენდერის პირობის თანახმად, ტურისტული ბილიკების/მარშრუტების მარკირების პროექტების მომზადება გულისხობს:

ხულოს მუნიციპალიტეტში: 
„უნდა მოხდეს ხულოს მუნიციპალიტეტის ცენტრთან ახლომდებარე სოფლების ტურისტული პოტენციალის შესწავლა და მოკლე 3-4 საათიანი/ 1-დღიანი დივერსიფიცირებული, სხვადასხვა თემატიკის მარშრუტების მარკირების პროქტების მომზადება. პროექტის მიზანია, ხულოს მუნიციპალიტეტის ცენტრში მისული ვიზიტორისთვის შეიქმნას მრავალფეროვანი მოკლე ტურისტული მარშრუტები.
მარკირების პროექტის ფარგლებში უნდა ჩატარდეს სოფლების ტურისტული პოტენციალის ზოგადი კვლევა [არანაკლებ შემდეგი სოფლებისა: დუაძეები, ოქრუაშვილები, უჩხო, გუდასახო, დეკანაშვილები, ძირკვაძეები, ქედლები, შურმული, ვაშლოვანი, ელელიძეები, დიდაჭარა, ირემაძეები, დიაკონიძეები, ღურტა]“.

ქობულეთის მუნიციპალიტეტში: 
„უნდა მოხდეს ქობულეთის მუნიციპალიტეტის სოფლების ტურისტული პოტენციალის დეტალური კვლევა ასევე სხვა მუნიციპალიტეტებთან დამაკავშირებელი დივერსიფიცირებული, სხვადასხვა თემატიკის მარშრუტების მარკირების პროქტების მომზადება. პროექტის მიზანია, ქობულეთის მუნიციპალიტეტში მისული ვიზიტორისთვის შეიქმნას მრავალფეროვანი მოკლე და რამდენიმე დღიანი ახალი თემატიკის ტურისტული მარშრუტები.

მარკირების პროექტის ფარგლებში უნდა ჩატარდეს სოფლების ტურისტული პოტენციალის ზოგადი კვლევა [არანაკლებ შემდეგი სოფლებისა: ხუცუბანი, ზედა და ქვედა სამება, სოფ. ქობულეთი, კოხი, ჭახათი, კვირიკე, ხინოწმინდა, დაგვა, ალამბარი, ზენითი, აჭყვისთავი, ლეღვა, ქაქუთი, მუხაესტატე, გვარა, აჭი, ჩოლოქი, ბობოყვათი, ბუკნარი, კონდიდი, ციხისძირი, წყავროკა, სახალვაშო, ჟიხანჯური, ხალა, საჩინო].

ქობულეთის წრიული და სხვა მუნიციპალიტეტებთან დამაკავშირებელი ბილიკები ხშირ შემთხვევაში გადის ეროვნული პარკებისა და დაცული ტერიტორიების საზღვრებზე. აღნიშნულ შემთხვევაში აუცილებელი მარშრუტი უნდა შეთანხმდეს დაცული ტერიტორიების სააგენტოსთან. თუ მარშრუტები გადის ტყის ფონდებს, შესაბამისად უნდა შეთანხმდეს სატყეო დეპარტამეტთან და შესაბამის სამსახურებთან“.

ორთავე მუნიციპალიტეტის შემთხვევაში: „უნდა შემუშავდეს როგორც ინდივიდუალური ასევე წრიული და გარდამავალი მარშრუტების ვარიანტები, აღიწეროს და დასურათდეს ტურისტული ობიექტები/ადგილები, აუცილებლად გაიზომოს პროფესიონალურად ჩანჩქერები, მოინიშნოს გადასახედი პანორამული ხედები, საპიკნიკე და საკარვე ადგილები, ხელნაკეთი ნივთების, გამორჩეული არქიტექტურის მქონე ან ტურისტულად საინტერესო სხვა ობიექტები. კვლევის ფარგლებში უნდა მოექცეს ასევე არამატერიალური კულტურული ძეგლები ასეთის არსებობის შემთხვევაში და გამოიყოს კოლორიტული, გამორჩეული როგორც ნიმუშები ასევე ფოლკლორი, კულტურა ან ადამიანები. უნდა მომზადდეს მარშრუტების ინდივიდუალური და საერთო რუკები, გაკეთდეს ყველა ობიექტის GPS კოორდინატების საერთო ცხრილი.“

კვლევის სრული ანგარიში შეთანხმებული უნდა იყოს შესაბამის მუნიციპალიტეტებთან.

მთავარი ფოტო: ხულოს მუნივციპალიტეტი / ხედი სოფელ ღურტადან / ფოტო: მანანა ქველიაშვილი / „ბათუმელები“

ხედი ციხისძირიდან /პეტრას ციხიდან / ფოტო: მანანა ქველიაშვილი / „ბათუმელები“

—-

ქობულეთის მუნიციპალიტეტში, სოფელ ციხისძირში, პეტრას ციხე 2019 წლის 12 აგვისტოდან 2020 წლის პირველ დეკემბრამდე ვიზიტორებისთვის დაიკეტა. აჭარის კულტურული მემკვიდრეობის დაცვის სააგენტოს განცხადებით, მიზეზი  მიმდინარე ინფრასტრუქტურული სამუშაოებია.

ამ თემაზე:

რატომ დაიკეტა პეტრას ციხე – პროექტი, რომელშიც 1 750 000 ლარი დაიხარჯება

 

 

 

გადაბეჭდვის წესი


ასევე: