მთავარი,სიახლეები

შაბათ-კვირის აფიშა

16.08.2019 • 1931
შაბათ-კვირის აფიშა

შაბათ-კვირა ბათუმში მრავალფეროვანი და საინტერესო ღონისძიებებით არის დატვირთული. ქალაქის სხვადასხვა ნაწილში რამდენიმე ფესტივალი გაიმართება. ნახეთ აფიშა:

17-18 აგვისტო – შავი ზღვის ღვინის ფესტივალი

„შავი ზღვის ღვინის საერთაშორისო ფესტივალი“ 17 დან 18 აგვისტოს ბათუმის ძველ ბულვარში ყოველდღე 12 საათზე დაიწყება და გვიან ღამემდე გაგრძელდება.

ფესტივალზე წარმოდგენილი იქნება: ასამდე ღვინის მარანი, (უფასო დეგუსტაცია), ეთნოკულინარიული გამოფენა – ქართული ყველის, ჩირისა და ჩურჩხელის ნაირსახეობები. ჩატარდება ტრადიციული კერძების მასტერკლასი. ფესტივალზე იქნება ქართული რეწვის პროდუქტების ორმოცი მწარმოებელი (თექა, მინანქარი, თიხა და ა.შ.) ასევე გაიმართება ოცდაათი თანამედროვე ქართველი მხატვრის გამოფენა – გაყიდვა.

ლუდის ფესტივალი 17 აგვისტო

ბათუმის ლუდის ფესტივალი ზღვისპირა ბულვარში, ანბანის კოშკის წინ გაიმართება. ფესტივალზე მისულ სტუმრებს დახვდება: ქართული ლუდი, კერძები, ცოცხალი მუსიკა და სხვადასხვა გასართობი აქტივობა, ასევე, ხელნაკეთი ნივთებისა და სუვენირების გამოფენა-გაყიდვა.

ფესტივალი 17 აგვისტოს, დილის 11:00 საათზე დაიწყება

17-18-19 აგვისტოს ბათუმში არტფესტივალი „არგანი“ გაიმართება

სამი დღის მანძილზე ბათუმის ცენტრალური პარკი [ყოფილი 6 მაისის პარკი] საფესტივალო ადგილად გადაიქცევა. ფესტივალის ფარგლებში მოეწყობა ფოტო და ნახატების გამოფენა, ხელნაკეთი ნივთების გამოფენა-გაყიდვა და კინოჩვენებები, იქნება ცოცხალი მუსიკა.

ფესტივალი 17 აგვისტოს დღის 12:00 საათზე დაიწყება და 19 აგვისტოს გვიან საღამოს დამთავრდება.

დრამატული თეატრი

17-18 აგვისტოს ბათუმის დრამატული თეატრი ახალ სცენაზე წარმოადგენს სპექტალს “სინდრომი ანუ ვის უგალობ ვისაო?!”

მონოპიესების VI საერთაშორისო ფესტივალი

17-19 აგვისტოს ბათუმში მონოპიესების VI საერთაშორისო ფესტივალი გაიმართება. ფესტივალი 17 აგვისტოს საღამოს ხუთ საათზე ბათუმის დრამატულ თეატრში გაიხსნება სპექტაკლით „ცხრაჯერ მეტი“.

ფესტივალის აფიშა ნახეთ ამ ლინკზე.

წიგნები ბათუმში
  • 18 აგვისტოს, 15:00 საათზე, მაღაზია „წიგნები ბათუმში“ გამომცემლობა “ზებრას” უმასპინძლებს. მაღაზიაში მისულ მკითხველს საშუალება ექნება, გაეცნოს გამომცემლობის მიერ გამოცემულ ახალ წიგნებს. ბავშვებისთვის გათვალისწინებულია სხვადასხვა გასართობი ღონისძიება.
 Black Sea Sound

18 აგვისტოს, 19:00 საათზე, ანბანის კოშკის მიმდებარედ, Black Sea Sound-ის ფარგლებში, როკკონცერტი გაიმართება. კონცერტზე დასწრება თავისუფალია.

გადაბეჭდვის წესი


ასევე: