აჭარის უმაღლესი საბჭოს დეპუტატს, ელგუჯა ბაგრატიონს, ოზურგეთის სასამართლომ 4000-ლარიანი გირაო შეუფარდა.
ელგუჯა ბაგრატიონს პოლიცია სსკ-ის 188-ე მუხლით ედავებოდა, რომელიც სხვისი ქონების გაუფრთხილებლობით დაზიანებას გულისხმობს.
ელგუჯა ბაგრატიონის ადვოკატის, მირდატ ქამადაძის თქმით, სასამართლომ ბაგრატიონს გირაოს გარდა, დააკისრა კვირაში ერთხელ პოლიციაში გამოცხადება ხელწერილისთვის და 20 მეტრის რადიუსში იმ ტერიტორიასთან მიახლოება, სადაც ბიძინა ივანიშვილის რეზიდენციაა. „ფაქტობრივად, აქციებზე მისვლა აუკრძალეს“, – ამბობს ადვოკატი.
ელგუჯა ბაგრატიონი, სხვა აქტივისტებთან ერთად, მონაწილეობს საპროტესტო აქციებში – „გააღვიძე ოლიგარქი“, რომელიც ყოველ საღამოს იმართება ბიძინა ივანიშვილის რეზიდენციასთან ახლოს, შეკვეთილში.
ივანიშვილის რეზიდენციასთან საპროტესტო აქციები – „წადი გახარია“ და „გააღვიძე ოლიგარქი“, თბილისში 20 ივნისის მოვლენების შემდეგ იმართება.
ამავე თემაზე:
ივანიშვილის ქონების დაზიანებაზე უმაღლესი საბჭოს დეპუტატის წინააღმდეგ გამოძიება დაიწყო
