საპროტესტო აქციის მონაწილეებმა „რივიერა ბათუმის“ ტერიტორიაზე საფრთხობელა დადგეს. აქციის ერთ-ერთი მონაწილის თქმით, საფრთხობელა სიმბოლურად ინვესტორის „დასაფრთხობად“ მოიტანეს, რომელიც ამ ტერიტორიაზე ხუთი ცათამბჯენის აშენებას გეგმავს.
„დაუპატიჟებელი სტუმრების დასაფრთხობად ადრე მინდვრებში აყენებდნენ საფრთხობელებს, ამიტომაც ჩვენც გადავწყვიტეთ ამ ტერიტორიაზე სიმბოლურად საფრთხობელა განვათავსოთ“, – ამბობს შოთა გუჯაბიძე.
საფრთხობელა რივიერაზე – საპროტესტო აქცია
საფრთხობელა რივიერაზე. ფოტო: ლელა დუმბაძე/ბათუმელები
საფრთხობელა რივიერაზე. ფოტო: ლელა დუმბაძე/ბათუმელები
ბათუმში, მემედ აბაშიძის #1-ში, „იუნკერთა სკვერის“ მიმდებარე ტერიტორიაზე საპროტესტო აქცია მიმდინარეობს. მოქალაქეები ე.წ. ჭაჭის კოშკის მიმდებარე ტერიტორიაზე დაგეგმილ სამშენებლო პროექტს აპროტესტებენ. ისინი აქციაზე მივიდნენ ტრანსპარანტებით – „რივიერა ცათამბჯენების გარეშე“, „ბეტონყმობა“, „ურბანული კოლიტი“.
საპროტესტო აქცია რივიერაზე. ფოტო: ლელა დუმბაძე/ბათუმელები
დაგეგმილი პროექტი ხუთი ცათამბჯენის მშენებლობას ითვალისწინებს, მოქალაქეები მიიჩნევენ, რომ ეს ადგილი მაღალმა შენობებმა არ უნდა ჩაკეტოს, შესაბამისად არ უნდა დაიკარგოს ზღვის სივრცე, ჰაერის გადანაწილების შესაძლებლობა და ხედი.
აქციაზე პროექტის საწინააღმდეგო ხელმოწერების შეგროვებაც დაიწყეს.
არა ჩაბეტონებას – „ბათუმი რივიერას“ პროექტის წინააღმდეგ ხელმოწერებს აგროვებენ
