აჭარის მაუწყებლის მრჩეველთა საბჭომ გასულ კვირას გაზრდილი ხელფასები შეიმცირა


„ძალადაკარგულად ჩაითვალოს საზოგადოებრივი მაუწყებლის მრჩეველთა საბჭოს 2019 წლის 11 ივლისის გადაწყვეტილება მრჩეველთა საბჭოს წევრთა ჰონორარების ოდენობის განსაზღვრის შესახებ“, – წერია დოკუმენტში, რომელიც აჭარის მაუწყებლის მრჩეველთა საბჭომ ახლახანს გამოაქვეყნა.

შესაბამისად, აჭარის ტელევიზიისა და რადიოს მრჩეველთა საბჭოს თავმჯდომარის, თავმჯდომარის მოადგილისა და მრჩევლების ანაზღაურება აღარ გაიზრდება.

11 ივლისის დადგენილებით, მაუწყებლის მრჩეველთა საბჭოს თავმჯდომარის ჰონორარი თვეში 3 300 ლარით განისაზღვრა, თავმჯდომარის მოადგილის – თვეში 3 100 ლარით, ხოლო წევრების – თვეში 3 025 ლარით.

დღეს, 20 ივლისს მიღებული გადაწყვეტილების თანახმად, საზოგადოებრივი მაუწყებლის აჭარის ტელევიზიისა და რადიოს მრჩევლების ანაზღაურება იქნება იმ ოდენობის, რაც აქამდე: მრჩეველთა საბჭოს თავმჯდომარე – 2 900 ლარი; მოადგილე – 2 700 ლარი; წევრი – 2 625 ლარი.

ამავე თემაზე:

აჭარის საზოგადოებრივი მაუწყებლის მრჩეველთა საბჭომ ხელფასები გაიზარდა

 

ნეტგაზეთის მასალების სხვა გამოცემებში გადაბეჭდვის წესი
ავტორი