აჭარის საზოგადოებრივი მაუწყებლის მრჩეველთა საბჭომ ხელფასები გაიზარდა

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს თავმჯდომარის, თავმჯდომარის მოადგილისა და მრჩევლების ანაზღაურება გაიზარდა.

მრჩეველთა საბჭოს გადაწყვეტილებით, მაუწყებლის მრჩეველთა საბჭოს თავმჯდომარის ჰონორარი თვეში 3 300 ლარით განისაზღვრა, თავმჯდომარის მოადგილის – თვეში 3 100 ლარით, ხოლო წევრების – თვეში 3 025 ლარით. ჯამში მრჩეველთა საბჭოს წევრების საქმიანობის ანაზღაურებისთვის თვეში 15 475 ლარი დაიხარჯება. გადაწყვეტილება ძალაში გუშინ, 11 ივლისიდან შევიდა.

მრჩეველთა საბჭოს წევრების ანაზღაურება ერთი წლის წინაც გაიზარდა. აქამდე მრჩეველთა საბჭოს თავმჯდომარე 2 900 ლარს იღებდა ჰონორარის სახით, მოადგილე – 2 700 ლარს, ხოლო წევრი – 2 625 ლარს.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოში ხუთი წევრია: ნატა იმედაიშვილი [თავმჯდომარე], გიორგი ირემაძე, ბეჟან გობაძე, გიგა ჩხარტიშვილი და ირაკლი დარცმელიძე. ვებგვერდზე მითითებული არ არის მოადგილის ვინაობა.

ანაზღაურება გაეზარდათ მრჩეველთა საბჭოს აპარატის წევრებსაც. კერძოდ, მრჩეველთა საბჭოს აპარატის სამართლებრივი უზრუნველყოფის მენეჯერის ჰონორარის ოდენობა 2 450 ლარით განისაზღვრა, აპარატის საქმისწარმოების მენეჯერის კი – 1900 ლარით.

საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს 2019 წლის ბიუჯეტი 267 915 ლარია.

_________

ფოტოზე: აჭარის საზოგადოებრივი მაუწყებლის მრჩეველთა საბჭო

ამავე თემაზე: 

https://netgazeti.ge/news/331552/